Mýzei qyzmetkerleriniń aitýynsha Muhamediuly bastaǵan basshylyqtaǵy azamattarǵa jazyqsyz jala jabylǵan.
"Ulttyq mýzei – qoǵamnyń ulttyq mádeni jáne memlekettik biregeiligin jetildirý turǵysynda elimizdiń rýhani ómiriniń dástúrleri men jańashyldyqtarynyń arasyndaǵy bailanystyrýshy birden bir uiym. Ulttyq mýzei osy mindet-maqsattardy barynsha abyroimen atqaryp keledi.
Bir ǵana «Altyn adamnyń álem mýzeilerine sherýi» halyqaralyq kórme jobasy aiasynda Esik qorǵanynan tabylǵan «Altyn adam» jádigeri álemniń tanymal mýzeilerinde kórsetilip, ulttyq qundylyqtarymyzdy, tereń tarihymyzdy jáne qaitalanbas ónerimizdi dúniejúzi halqyna pash etti", – delingen Toqaevqa joldanǵan úndeýde.
Mýzei ujymy sońǵy kezderi "áldebir qaraý nietti adamdar tobynyń kesirli is-áreketteriniń saldarynan mekemede birneshe ret zańdy, zańsyz tekseris jumystary júrgizilgenin" aitady.
Olardyń paiymdaýynsha tekserýlerdiń basty maqsaty – mekemeniń qarjy-ekonomikalyq saiasatynan qandai da bolsyn bir kiltipan taýyp, laýazymdyq tulǵalaryn jemqorlyqqa qatysty jazyqty etý.
Qyzmetkerler Nur-sultan qalasyndaǵy Aýdit departamentiniń biylǵy jylǵy 6 mamyrda ótkizgen aýditorlyq esebine biraýyzdan qarsylyq bildiretinin málimdedi.
"Rýhaniiat ordasy – Ulttyq mýzei óz qyzmetin adal atqarýda. Sol turǵyda ádilet qashanda jeńedi dep senemiz.
Prezident myrza, Ulttyq mýzeidiń ujymy, mýzeidiń laýazymdy tulǵalaryna jabylǵan jalaǵa qatysty istiń obektivti túrde ashyq bolýyna qamqorshy bolýyńyzdy ótine suraimyz. Joǵaryda atalǵan eńbekterdi eskere otyryp, tekserý, tergeý úderisiniń adal, ádiletti ótýine yqpal etseńiz", – dep úndeýdi túiindegen eken mýzei ujymy.
