مۋزەي قىزمەتكەرلەرىنىڭ ايتۋىنشا مۇحامەدي ۇلى باستاعان باسشىلىقتاعى ازاماتتارعا جازىقسىز جالا جابىلعان.
"ۇلتتىق مۋزەي – قوعامنىڭ ۇلتتىق مادەني جانە مەملەكەتتىك بىرەگەيلىگىن جەتىلدىرۋ تۇرعىسىندا ەلىمىزدىڭ رۋحاني ءومىرىنىڭ داستۇرلەرى مەن جاڭاشىلدىقتارىنىڭ اراسىنداعى بايلانىستىرۋشى بىردەن ءبىر ۇيىم. ۇلتتىق مۋزەي وسى مىندەت-ماقساتتاردى بارىنشا ابىرويمەن اتقارىپ كەلەدى.
ءبىر عانا «التىن ادامنىڭ الەم مۋزەيلەرىنە شەرۋى» حالىقارالىق كورمە جوباسى اياسىندا ەسىك قورعانىنان تابىلعان «التىن ادام» جادىگەرى الەمنىڭ تانىمال مۋزەيلەرىندە كورسەتىلىپ، ۇلتتىق قۇندىلىقتارىمىزدى، تەرەڭ تاريحىمىزدى جانە قايتالانباس ونەرىمىزدى دۇنيەجۇزى حالقىنا پاش ەتتى"، – دەلىنگەن توقايەۆقا جولدانعان ۇندەۋدە.
مۋزەي ۇجىمى سوڭعى كەزدەرى "الدەبىر قاراۋ نيەتتى ادامدار توبىنىڭ كەسىرلى ىس-ارەكەتتەرىنىڭ سالدارىنان مەكەمەدە بىرنەشە رەت زاڭدى، زاڭسىز تەكسەرىس جۇمىستارى جۇرگىزىلگەنىن" ايتادى.
ولاردىڭ پايىمداۋىنشا تەكسەرۋلەردىڭ باستى ماقساتى – مەكەمەنىڭ قارجى-ەكونوميكالىق ساياساتىنان قانداي دا بولسىن ءبىر كىلتيپان تاۋىپ، لاۋازىمدىق تۇلعالارىن جەمقورلىققا قاتىستى جازىقتى ەتۋ.
قىزمەتكەرلەر نۇر-سۇلتان قالاسىنداعى اۋديت دەپارتامەنتىنىڭ بيىلعى جىلعى 6 مامىردا وتكىزگەن اۋديتورلىق ەسەبىنە ءبىراۋىزدان قارسىلىق بىلدىرەتىنىن مالىمدەدى.
"رۋحانيات ورداسى – ۇلتتىق مۋزەي ءوز قىزمەتىن ادال اتقارۋدا. سول تۇرعىدا ادىلەت قاشاندا جەڭەدى دەپ سەنەمىز.
پرەزيدەنت مىرزا، ۇلتتىق مۋزەيدىڭ ۇجىمى، مۋزەيدىڭ لاۋازىمدى تۇلعالارىنا جابىلعان جالاعا قاتىستى ءىستىڭ وبەكتيۆتى تۇردە اشىق بولۋىنا قامقورشى بولۋىڭىزدى وتىنە سۇرايمىز. جوعارىدا اتالعان ەڭبەكتەردى ەسكەرە وتىرىپ، تەكسەرۋ، تەرگەۋ ۇدەرىسىنىڭ ادال، ادىلەتتى وتۋىنە ىقپال ەتسەڭىز"، – دەپ ۇندەۋدى تۇيىندەگەن ەكەن مۋزەي ۇجىمى.
