Eńbegimen kópke úlgi
Is-sharaǵa aýyl ákimi O.Ermahan, aýdandyq máslihat depýtaty I.Omar, aýyldyq ardagerler keńesiniń tóraǵasy S.Tájibekov, mekeme basshylary, aýyl qariialary, Ózbek Asqarbaiuly atanyń zamandas qurdastary, «Jastar resýrstyq ortalyǵy» KMM ádiskeri S.Estaýov jáne joǵarǵy synyp oqýshylary men aýyl jastary qatysty.
Jiyndy ashyp sóz sóilegen aýyl ákimi O.Ermahan, aýdandyq máslihat depýtaty I.Omar, aýyldyq ardagerler keńesiniń tóraǵasy S.Tájibekov Ózbek Asqarbaiuly atanyń jas kezinen eńbekke aralasyp, jastaiynan mal baǵyp, burynǵy Qarataý sovhozynyń mal sharýashylyǵynyń damýyna, qoi tóliniń sany men sapasynyń artýyna úlken úles qosqanyn aityp ótti.
10 synyp oqýshysy B.Seitmahan Ó.Asqarbaiulynyń ómir joly jaily baiandama oqyp, aýyl jastaryna túsindirip ótti. Is-shara barysynda aýyl qariialary E.Estanuly, E.Turlybekov sóz sóilep Ó.Asqarbaiuly jaily jaqsy pikirlerin bildirdi. Aýyl jastarynyń qoiǵan suraqtaryna Ó.Asqarbaiuly arnaiy smailikter arqyly jaýap berip otyrdy. Óz suraqtaryna jaýap alǵan aýyl jastary óz ónerlerin ortaǵa salyp án men biden shashý shashty. Is-shara sońynda sóz sóilegen Ó.Asqarbaiuly aýyl jastary men mektep ujymyna, is-sharaǵa qatysqan aýyl qariialaryna alǵysyn bildirdi
Dalanews.kz
