سوزاق اۋدانى «جاستار رەسۋرستىق ورتالىعى» كمم ادىسكەرى س.ەستاۋوۆتىڭ ۇيىمداستىرۋىمەن قاراتاۋ اۋىلىنىڭ پانفيلوۆ مەكتەبىنىڭ اكت زالىندا سوزاق اۋدانىنىڭ قۇرمەتتى ازاماتى، ۋىل قارياسى، بايىرعى شوپان وزبەك اسقاربايۇلىمەن اۋىل جاستارى اراسىندا «ەڭبەگىمەن ەلەنگەن ەر ارداقتى» تاقىرىبىندا دوڭگەلەك ۇستەل بولىپ ءوتتى.

ءىس-شاراعا اۋىل اكىمى و.ەرماحان، اۋداندىق ءماسليحات دەپۋتاتى ءى.ومار، اۋىلدىق ارداگەرلەر كەڭەسىنىڭ ءتوراعاسى س.تاجىبەكوۆ، مەكەمە باسشىلارى، اۋىل قاريالارى، وزبەك اسقارباي ۇلى اتانىڭ زامانداس قۇرداستارى، «جاستار رەسۋرستىق ورتالىعى» كمم ادىسكەرى س.ەستاۋوۆ جانە جوعارعى سىنىپ وقۋشىلارى مەن اۋىل جاستارى قاتىستى.

جيىندى اشىپ ءسوز سويلەگەن اۋىل اكىمى و.ەرماحان، اۋداندىق ءماسليحات دەپۋتاتى ءى.ومار، اۋىلدىق ارداگەرلەر كەڭەسىنىڭ ءتوراعاسى س.تاجىبەكوۆ وزبەك اسقارباي ۇلى اتانىڭ جاس كەزىنەن ەڭبەككە ارالاسىپ، جاستايىنان مال باعىپ، بۇرىنعى قاراتاۋ سوۆحوزىنىڭ مال شارۋاشىلىعىنىڭ دامۋىنا، قوي ءتولىنىڭ سانى مەن ساپاسىنىڭ ارتۋىنا ۇلكەن ۇلەس قوسقانىن ايتىپ ءوتتى.

10 سىنىپ وقۋشىسى ب.سەيتماحان ءو.اسقارباي ۇلىنىڭ ءومىر جولى جايلى بايانداما وقىپ، اۋىل جاستارىنا ءتۇسىندىرىپ ءوتتى. ءىس-شارا بارىسىندا اۋىل قاريالارى ە.ەستان ۇلى، ە.تۇرلىبەكوۆ ءسوز سويلەپ ءو.اسقارباي ۇلى جايلى جاقسى پىكىرلەرىن ءبىلدىردى. اۋىل جاستارىنىڭ قويعان سۇراقتارىنا ءو.اسقارباي ۇلى ارنايى سمايليكتەر ارقىلى جاۋاپ بەرىپ وتىردى. ءوز سۇراقتارىنا جاۋاپ العان اۋىل جاستارى ءوز ونەرلەرىن ورتاعا سالىپ ءان مەن بيدەن شاشۋ شاشتى. ءىس-شارا سوڭىندا ءسوز سويلەگەن ءو.اسقارباي ۇلى اۋىل جاستارى مەن مەكتەپ ۇجىمىنا، ءىس-شاراعا قاتىسقان اۋىل قاريالارىنا العىسىن ءبىلدىردى

 

Dalanews.kz