Atalǵan gaz qubyrlarynyń qurylysyn osy jyldyń sońyna deiin aiaqtaý josparlanǵan. Gaz qubyrynyń qurylysy Qazaqstannyń Tuńǵysh Prezidenti Elbasy Nursultan Nazarbaevtyń tapsyrmasy boiynsha júzege asyrylýda.
Elordany odan ári damytý jónindegi keńeste Memleket basshysy Qasym-Jomart Toqaev qalany gazdandyrý protsesin baqylaýǵa alýdy tapsyrǵan-dy. Qala ákimi A.Kólginov tehnikalyq jáne avtorlyq qadaǵalaý qyzmetterine dánekerleý jumystarynyń sapasyna erekshe nazar aýdarý kerektigin atap ótti.
Merdigerlerdiń aitýynsha dánekerlengennen keiin ol jerlerge rentgenografiia jasalady, bul qubyrdyń tutastyǵyn jáne jarylýynyń aldyn-alýdy qamtamasyz etedi. Osylaisha, elordany gazdandyrý 3 kezeń boiynsha jumystar sátti júzege asýda.
Kelesi jylytý maýsymynda JEO-1,2,3, Kóktal-1,2, Agrgorodok, Promyshlennyi, Jeleznodorojnyi, Ońtústik-Shyǵys turǵyn alaptaryn gazben jylytý josparlanýda.
Ekinshi kezeńde gaz Michýrino, Internatsionalnyi, Kúigenjar (1,2-IQK), Telman (3-IQK), Prigorodnyi, Garden Village jáne Family Village (4-IQK) turǵyn alaptaryna jetkiziledi.
Ákimdik turǵyndarǵa eseptegish quraldardy tegin beredi. Qalany gazdandyrý qatty zattar 40 myń tonnaǵa, ziiandy shyǵaryndylardy 6 esege azaitady.
