ەلوردا اكىمى التاي كولگىنوۆ گاز تاراتۋ جەلىلەرىنىڭ قۇرىلىسىمەن تانىسىپ،  «جەو-1،2،3»، «اگروگورودوك» جانە «كوكتال-1،2» اۋجاندارىنا  گاز وتەتىن قۇبىرلاردىڭ دانەكەرلەۋ جۇمىستارىن تەكسەردى.

اتالعان گاز قۇبىرلارىنىڭ قۇرىلىسىن وسى جىلدىڭ سوڭىنا دەيىن اياقتاۋ جوسپارلانعان. گاز قۇبىرىنىڭ قۇرىلىسى قازاقستاننىڭ تۇڭعىش پرەزيدەنتى ەلباسى نۇرسۇلتان نازاربايەۆتىڭ تاپسىرماسى بويىنشا جۇزەگە اسىرىلۋدا.

ەلوردانى ودان ءارى دامىتۋ جونىندەگى كەڭەستە مەملەكەت باسشىسى قاسىم-جومارت توقايەۆ قالانى گازداندىرۋ پروسەسىن باقىلاۋعا الۋدى تاپسىرعان-دى. قالا اكىمى ا.كولگىنوۆ تەحنيكالىق جانە اۆتورلىق قاداعالاۋ قىزمەتتەرىنە دانەكەرلەۋ جۇمىستارىنىڭ ساپاسىنا ەرەكشە نازار اۋدارۋ كەرەكتىگىن اتاپ ءوتتى.

مەردىگەرلەردىڭ ايتۋىنشا دانەكەرلەنگەننەن كەيىن ول جەرلەرگە رەنتگەنوگرافيا جاسالادى، بۇل قۇبىردىڭ تۇتاستىعىن جانە جارىلۋىنىڭ الدىن-الۋدى قامتاماسىز ەتەدى. وسىلايشا، ەلوردانى گازداندىرۋ 3 كەزەڭ بويىنشا جۇمىستار ءساتتى جۇزەگە اسۋدا.

كەلەسى جىلىتۋ ماۋسىمىندا جەو-1،2،3، كوكتال-1،2، اگرگورودوك، پرومىشلەننىي، جەلەزنودوروجنىي، وڭتۇستىك-شىعىس تۇرعىن الاپتارىن گازبەن جىلىتۋ جوسپارلانۋدا.

ەكىنشى كەزەڭدە گاز ميچۋرينو، ينتەرناسيونالنىي، كۇيگەنجار ​​(1،2-ىقك)، تەلمان (3-ىقك)، پريگورودنىي،  Garden Village جانە Family Village (4-ىقك) تۇرعىن الاپتارىنا جەتكىزىلەدى.

ال ءۇشىنشى كەزەڭ ۇركەر (1-2-ىقك)، شۇبار (3-ىقك)، ءوندىرىس (4-ىقك) تۇرعىن الاپتارى گازداندىرىلادى. ىسكە اسىرۋ مەرزىمى – 2020-2023 جىلداردى قامتيدى. جوبالاۋشىلاردىڭ ايتۋىنشا، گاز تاراتۋ جەلىلەرى كوشەلەر ارقىلى ءۇي قورشاۋلارىنا دەيىن تارتىلادى، قورشاۋدان ۇيگە دەيىن گازعا جەكە تۇرعىنداردىڭ وزدەرى قوسىلاتىن بولادى.

اكىمدىك تۇرعىندارعا ەسەپتەگىش قۇرالداردى تەگىن بەرەدى. قالانى گازداندىرۋ قاتتى زاتتار 40 مىڭ تونناعا، زياندى شىعارىندىلاردى 6 ەسەگە ازايتادى.