Astanadaǵy mektepter arasynda uiymdastyrylǵan «Zań men bala: qatesiz bolashaq» qalalyq teatrlandyrylǵan qoiylymdar baiqaýynyń finaldyq kezeńi ótti, dep habarlaidy Dalanews.kz
«Zań men tártip» qaǵidaty aiasynda Astana qalasynyń prokýratýrasy men elorda ákimdigi birlesip ótkizgen aqtyq baiqaýǵa aýdandyq kezeńderdiń jeńimpazdary, iaǵni alty aýdannan buǵan deiin iriktelip shyqqan 6 mekteptiń úzdik teatr toptary qatysyp, quqyqtyq saladaǵy ózekti taqyryptardy kótergen qoiylymdaryn kórermender nazaryna usyndy.
Á.Mámbetov atyndaǵy memlekettik drama jáne komediia teatrynda ótken baiqaý oqýshylar arasynda quqyqtyq mádenietti qalyptastyrýǵa, adami qundylyqtardy dáripteýge, quqyqtyq sanany damytýǵa, sondai-aq ómirde kezdesetin túrli jaǵdailardy shyǵarmashylyq turǵydan túsiný arqyly jasóspirimder ortasynda quqyq buzýshylyqtardyń aldyn alýǵa baǵyttalǵan. Baiqaýdyń ereksheligi – jas urpaqtyń zań, ádildik jáne azamattyq jaýapkershilik týraly kózqarasyn óner arqyly kórsetýine múmkindik berýinde.
Balalardyń óner baiqaýyn tamashalaýǵa ári baǵa berýge qala ákiminiń orynbasary Eset Baiken, QR Bala quqyqtary jónindegi ýákili Dinara Zakieva, Astana qalalyq Áielder isteri jáne otbasylyq-demografiialyq saiasat jónindegi komissiia tóraǵasynyń orynbasary Nazgúl Maqjan, qala prokýrorynyń orynbasary Býlat Mizanbaev, Astana qalalyq Bilim basqarmasynyń basshysy Qasymhan Senǵazyev, tanymal telejúrgizýshi Aigúl Múkei, Bas prokýratýranyń, Bilim ministrliginiń ókilderi, aýdandyq prokýrorlar jáne Astana aýdandarynyń ákimderi de keldi.
«Búgingi aqtyq qalalyq saiysqa buǵan deiin ár aýdanda ótken baiqaýdyń jeńimpazdary kelip otyr. Qoǵamda ár balanyń quqyǵy qorǵalyp, qaýipsizdigi qamtamasyz etilýi kerek. Olar óz quqyǵymen qatar zań buzǵandaǵy jaýapkershiliktiń qandai bolatynyn da bilip ósýi tiis. Sondyqtan osyndai aýqymdy profilaktikalyq is-shara ótkizilip otyr. Barsha qatysýshylarǵa sáttilik!» – dedi Bilim basqarmasynyń basshysy.
Quqyqtyq tártip taqyrybyn teatr tilimen jetkizýge tyrysqan 6 mekteptiń talantty oqýshylary qazirgi qoǵamdaǵy eń ózekti degen, iaǵni sybailas jemqorlyq, kiberbýlling, esirtki saýdasy, urlyq, jalǵan aqparat taratý siiaqty quqyqbuzýshylyqtardy qoiylymdaryna arqaý etti.
«Byltyr bastaý alǵan baiqaý biyl da jalǵasyn taýyp, buǵan deiingi irikteý saiystarynyń búgin jemisin kórdik. Ár adam ómirge kelgen soń ainalasyn, jan-jaǵyn tanýǵa umtylady. Kóbine bilmestikten nemese durys baǵyt-baǵdar berilmegendikten qatelikke urynyp jatady, qylmysqa da barady. Sonyń aldyn alýda osyndai is-sharalardyń mańyzy zor. Búgin sahnaǵa shyqqan ár bala – elimizdiń adal azamaty, óz memleketiniń zańyn qadirleitin bolashaq tulǵa bolaryna senim mol. Osyndai ónegeli joldy kórsetý – bizdiń ortaq boryshymyz. Óner kórsetken barlyq komanda myqty, bárin de jeńimpaz dep tanýǵa bolady, osy rette qazylar alqasyna ońai tigen joq. Biraq saiystyń aty saiys. Barsha júldegerlerdi quttyqtaimyn. Kelesi jyly baiqaýdyń aýqymyn keńeitip, respýblikalyq deńgeide ótkizemiz degen oidamyz», – dedi Eset Baiken.
Baiqaý qorytyndysynda «Úzdik akter» estelik syilyǵymen №87 mektep-gimnaziiasynyń 6-synyp oqýshysy Nurahmatollah Janatqan, «Úzdik aktrisa» atalymy boiynsha Qoja rólin somdaǵan, №108 mekteptiń 6-synyp oqýshysy Meiirim Súleimen, «Taqyrypqa erekshe kózqaras» atalymymen №28 mektep-litseii, «Úzdik stsenarii» atalymymen №58 mektep-litseii, «Úzdik video» atalymymen №17 mektep-gimnaziiasy, «Ekinshi fondaǵy úzdik ról» atalymymen №93 mektep oqýshysy Bek Saparhan marapattaldy.
«Zań men tártip» qaǵidaty aiasynda Áleýmettik beinerolikter jasaýǵa qatysqany úshin №97 jáne №75 mektepter de marapattarǵa ie boldy. Saiystyń júldeli oryndaryn bergende 6-oryndy №28, 5-oryndy №93, 4-oryndy №58, 3-oryndy №87, 2-oryndy №108 jáne 1-oryndy №17 mektepter ielendi. Júldegerler diplomdarǵa qosa 50 myń men 300 myń teńgeniń aralyǵynda aqshalai jáne nominatsiia iegerleri baǵaly syilyqtarǵa ie boldy.
