Elordada «Zań jáne tártip» qaǵıdaty aıasynda nashaqorlyqtyń aldyn alý maqsatynda 30 kúndik keshendi sharalar bastaldy,- dep habarlaıdy Dalanews.kz

Polısıa departamentinde prokýratýra, polısıa jáne nashaqorlyqtyń aldyn alý men esirtki qylmysyna qarsy is-qımyl jónindegi vedomstvoaralyq shtab músheleriniń qatysýymen keńes ótti.

«Nashaqorlyq pen esirtki qylmysyna qarsy kúres – quqyq qorǵaý organdarynyń basty mindetteriniń biri. Bul barlyq qurylymnyń belsendi ózara is-qımylyn talap etedi. Biz júıeli profılaktıkaǵa basymdyq berip otyrmyz jáne tek qoǵammen birlesken jumys qana jastardy qorǵaýǵa ári azamattardyń qaýipsizdigin qamtamasyz etýge múmkindik beretinine senimdimiz», - dep atap ótti Polısıa departamenti bastyǵynyń birinshi orynbasary Qýanysh Orynbetov.

Keshendi sharalar aıasynda birlesken reıdter, oqý oryndarynda profılaktıkalyq kezdesýler ótkizý, sondaı-aq tyıym salynǵan zattardy taratatyn ınternet-resýrstardy anyqtap, joıý jumysy kózdelgen.

Erekshe nazar jastarmen ózara baılanysqa jáne halyqtyń quqyqtyq saýattylyǵyn arttyrýǵa aýdarylady.

Qabyldanǵan sharalar azamattardyń densaýlyǵyn qorǵaýǵa, qoǵamdyq qaýipsizdikti nyǵaıtýǵa jáne esirtki qaterine tıimdi túrde qarsy turýǵa baǵyttalǵan.