Jelige 52 jedel járdem kóligi shyqty, jańa jyldan bastap taǵy 22 jedel járdem kóligi alynady. Kólik sany 64-ten 138-ge deıin, eki ese artady.
Prezıdent medısınanyń damýyna, medısınalyq qyzmetterdiń qoljetimdiligin qamtamasyz etýge jáne sapasyn jaqsartýǵa, jedel járdem qyzmetin jańǵyrtýǵa erekshe kóńil bólgen bolatyn.
SHJQ «Qalalyq jedel medısınalyq járdem stansıasy» MKK dırektory Murat Orazbaevtyń aıtýynsha, mashınalardyń basym bóligi qarqyndy terapıa, monıtorıń jáne shuǵyl medısınalyq kómekti qajet etetin pasıentterdi tasymaldaý múmkindigi bar reanımobılder.
Bul kólik defıbrılátorlarmen jáne júrek yrǵaǵyna tolyq monıtorıń jasaıtyn júıemen jabdyqtalǵan. Sondaı-aq ár kólikte ókpeni jasandy jeldetý apparaty, ottegi balony, jasandy qanaınalym apparaty bar.
– Medısınalyq kómek kórsetý sapasyn arttyrý men eńbek jaǵdaıyn jaqsartý boıynsha birqatar jumystar atqaryldy. Birinshiden, avtokólikter sanyn eki esege arttyrý nátıjesinde jedel járdem brıgadasynyń kelý ýaqyty – 10 mınýt boldy. Jedel járdem brıgadalardyń sany 20-ǵa deıin artty.
Ekinshiden, densaýlyq saqtaý basqarmasymen jáne ikomek109 baılanys ortalyǵymen birlese memlekettik medısınalyq mekemelerdiń jumysyna taldaý jasadyq. Turǵyndardy tolǵandyratyn 4 basty másele anyqtaldy. Olar dárigerdiń qabyldaýyna jazylý, emhanalardaǵy kezek, medısına qyzmetkerleriniń ádeptilik normalary men minez-qulyq qaǵıdalaryn ustanbaýy men biliksizdigi.
Qazan aıynan bastap medısınalyq uıymdardyń birinshi basshylarynyń uıaly telefondaryna mobıldik qosymshalar ornatyldy. Bul 3 aı ishinde turǵyndardyń ótinishterin oryndaý ýaqytyn 5-6 kúnnen 1-2 kúnge deıin qysqartýǵa múmkindik berdi.
Úshinshiden, pasıentterdiń ótinishine sáıkes 2, 6 jáne 9 emhanalarda elektrondyq kezek júıesi engizildi. Jańa jyldan bastap atalmysh júıeni barlyq medısınalyq mekemelerde engizip bastaımyz.
Tórtinshiden, kelesi jyldan bastap memlekettik-jekemenshik áriptestik aıasynda Saryarqa aýdanynda ornalasatyn jańa medısınalyq mekemeniń qurylysy bastalady.
Besinshiden, elimizdi sıfrlandyrý aıasynda 2019 jyldyń sáýir aıynda "iKOMEK" ortalyǵy bazasynda "iKOMEK112" biryńǵaı kezekshi-dıspecherlik qyzmeti pılottyq jobasy iske qosyldy. Bul joba 101, 102, 103 qyzmetterine kelip túsetin qońyraýlar júktemesin 81%-ǵa jeńildetýge múmkindik beredi, – dedi elorda ákimi Altaı Kólginov.
Jańadan salynyp jatqan turǵyn úıler barlyq jaǵynan yńǵaıly bolýy qajet. Alǵashqy medısınalyq-sanıtarlyq kómek kabınetteri halyqqa 20 mınýttyq ýaqyt ishinde qoljetimdi bolýy kerek. Jańa turǵyn úı keshenderiniń birinshi qabattarynda emhana, balabaqsha, ońaltý ortalyqtary, polısıa pýnkti sıaqty áleýmettik nysandar ashylady. Osy jyly halyqaralyq standarttarǵa saı reanımasıa jáne qaýipsiz júrgizý boıynsha 700 qyzmetker oqýdan ótti.
