Qala turǵyndary men qonaqtary kúnniń sýyǵyna qaramastan qajetti azyq-túlik qoryn satyp alýda. Ásirese, siyr eti men sút ónimderi, balyq pen kókónis keń suranysqa ie. Al taýar quny naryqtaǵy baǵadan 10-15 paiyzǵa arzan.
– Búgin kún sýyq bolsa da óz ónimderimizdi ákeldik. Turǵyndar birtindep jinalyp jatyr. Keshki ýaqytta deiin taýarlarymyzdy satyp, erteń tańerteń taǵy da shyǵamyz. Bir baiqaǵanym, balyq ónimderiniń baǵasy arzan bolǵandyqtan tez ótip ketedi, – deidi Ardaq esimdi satýshy.
Budan bólek, taýarlardyń keń assortimenti usynylýda, sonyń ishinde: siyr eti, jylqy eti men qoi eti, qus eti, sút jáne qyshqyl sút ónimderi, kókónister (kartop, piiaz, sábiz, qyryqqabat), jemister, taýyq jumyrtqasy, balyq, jarma, un jáne t.b. ónimder bar.
– Men búgin alma men qiiar, siyr eti men balyq etin salyp alýdamyn. Sebebi, almanyń quny 350 teńgeden bastalady. Al úiimniń janyndaǵy dúkennen 550 teńgeden alyp júrmin. Senbilik demalysymdy paidalanyp, jármeńkege keldim, – deidi Symbat esimdi qala turǵyny.
Aita ketsek, atalǵan jármeńke 6-7 qarasha kúnderine deiin jalǵasady. Keler aptanyń senbi-jeksenbi kúnderi taǵy da 200 astam taýar óndirýshilerdiń qatysýymen jármeńke ótedi.
