قالا تۇرعىندارى مەن قوناقتارى كۇننىڭ سۋىعىنا قاراماستان قاجەتتى ازىق-تۇلىك قورىن ساتىپ الۋدا. اسىرەسە، سيىر ەتى مەن ءسۇت ونىمدەرى، بالىق پەن كوكونىس كەڭ سۇرانىسقا يە. ال تاۋار قۇنى نارىقتاعى باعادان 10-15 پايىزعا ارزان.
– بۇگىن كۇن سۋىق بولسا دا ءوز ونىمدەرىمىزدى اكەلدىك. تۇرعىندار بىرتىندەپ جينالىپ جاتىر. كەشكى ۋاقىتتا دەيىن تاۋارلارىمىزدى ساتىپ، ەرتەڭ تاڭەرتەڭ تاعى دا شىعامىز. ءبىر بايقاعانىم، بالىق ونىمدەرىنىڭ باعاسى ارزان بولعاندىقتان تەز ءوتىپ كەتەدى، – دەيدى ارداق ەسىمدى ساتۋشى.
بۇدان بولەك، تاۋارلاردىڭ كەڭ اسسورتيمەنتى ۇسىنىلۋدا، سونىڭ ىشىندە: سيىر ەتى، جىلقى ەتى مەن قوي ەتى، قۇس ەتى، ءسۇت جانە قىشقىل ءسۇت ونىمدەرى، كوكونىستەر (كارتوپ، پياز، ءسابىز، قىرىققابات)، جەمىستەر، تاۋىق جۇمىرتقاسى، بالىق، جارما، ۇن جانە ت.ب. ونىمدەر بار.
– مەن بۇگىن الما مەن قيار، سيىر ەتى مەن بالىق ەتىن سالىپ الۋدامىن. سەبەبى، المانىڭ قۇنى 350 تەڭگەدەن باستالادى. ال ءۇيىمنىڭ جانىنداعى دۇكەننەن 550 تەڭگەدەن الىپ ءجۇرمىن. سەنبىلىك دەمالىسىمدى پايدالانىپ، جارمەڭكەگە كەلدىم، – دەيدى سىمبات ەسىمدى قالا تۇرعىنى.
ايتا كەتسەك، اتالعان جارمەڭكە 6-7 قاراشا كۇندەرىنە دەيىن جالعاسادى. كەلەر اپتانىڭ سەنبى-جەكسەنبى كۇندەرى تاعى دا 200 استام تاۋار وندىرۋشىلەردىڭ قاتىسۋىمەن جارمەڭكە وتەدى.
