Kontsertke Astananyń irgetasyn qalaǵan, damýy men órkendeýine ólsheýsiz úles qosqan tulǵalar qatysty.
Onyń ishinde sáýletshiler, qurylysshylar, ustazdar men dárigerler, mádeniet qyzmetkerleri, tártip saqshylary, memlekettik jáne kommýnaldyq qyzmet ókilderi, sondai-aq shaǵyn jáne orta biznestegi kásipkerler men ár salanyń maitalman mamandary bolǵan eńbek ardagerleri bar.
– 10 jeltoqsan – tarihi kún! Bul – burynǵy Aqmolanyń Astana bolǵan kúni. Kóp jyldardan keiin, mine, osy tarihi sátti erekshe yqylaspen atap ótip jatyrmyz. Sol kezdegi atqarylǵan eren eńbektiń arqasynda búgin elordamyz eńseli megapoliske ainaldy.
Alǵashqy jyldary biz kelgende munda 200 myńnyń ústinde ǵana turǵyn bolatyn. Qazir turǵyndarynyń sany 1,5 millionǵa taqap qaldy.
Osy keshten de shahardyń naǵyz mádeniet ordasyna ainalǵanyn baiqap otyrmyz.
Jalpy, Astanaǵa alǵash kelgen adam elordanyń eńsesin tikteýine bar kúsh-jigerin saldy dep oilaimyn.
Kontsertti QR Eńbek sińirgen qairatkeri Qairat Baekenov «Astana» ánimen ashqan soń, júrgizýshiler búgingi tarihi kúnniń mańyzyn aityp, elordanyń damýyna úles qosýshy barlyq astanalyqtardy ataýly kúnmen quttyqtady.
Erkesh Shákeevtiń áni «Pervoe ýtro stolitsy» atty ándi halyqaralyq baiqaýlardyń laýreattary Dinaia jáne Alen Samyken shyrqady.
Ásem án men «Astanalyq tsirk» ártisi Timýr Aqtotynyń ónerin tyńdarman tebirene tamashalady.
Kesh barysynda júrgizýshiler kórermenderge Astana týraly viktorinalyq saýaldar qoiyp, suraqtyń jaýabyn dál tapqandarǵa syi-siiapat usynyp, kóptiń kóńilin bir serpip aldy.
QR Eńbek sińirgen ərtisi Seken Turysbekov jəne QR Eńbek sińirgen qairatkeri Renat Gaisin «Aqjaýyn», Halyqaralyq «Slavian bazary» baiqaýynyń laýreaty Ámire «Qyzdar-ai», astanalyq jas ánshi, halyqaralyq jáne respýblikalyq baiqaýlardyń laýreaty Mádi Syzdyqov “Atameken” ánderin shyrqady.
Al kontsert Qazaqstannyń Halyq ártisi, Eńbek Eri Roza Rymbaevanyń «Astanam – aq ordam» ánimen óz máresine jetti.
