14 qyrkúiekte Býrabaida Ortalyq Aziia elderi men Ázerbaijannyń arnaiy qyzmet basshylarynyń kezdesýi ótti, dep habarlaidy dalanews.kz.
Jiynǵa Qazaqstannyń Ulttyq qaýipsizdik komiteti, Ázerbaijannyń Memlekettik qaýipsizdik qyzmeti, Qyrǵyzstan men Tájikstannyń Ulttyq qaýipsizdik memlekettik komitetteri, Túrikmenstannyń Ulttyq qaýipsizdik ministrligi jáne Ózbekstannyń Memlekettik qaýipsizdik qyzmetiniń basshylary qatysty.
Kezdesý barysynda taraptar óńirdegi qaýipsizdik ahýalyna qatysty pikir almasyp, qazirgi syn-qaterlerge qarsy is-qimyl máselelerin talqylady. Atap aitqanda, terrorizmge qarsy kúres, esirtki men qarý-jaraqtyń zańsyz ainalymyna tosqaýyl qoiý, sondai-aq transulttyq qylmystyń aldyn alý baǵyttaryna basa nazar aýdaryldy.
Arnaiy qyzmet ókilderi qaýipsizdik salasyndaǵy ózara is-qimyldy kúsheitýdiń mańyzyn atap ótti.
Kezdesý qorytyndysynda taraptar óńirdegi turaqtylyq pen qaýipsizdikti qamtamasyz etý maqsatynda yntymaqtastyqty jalǵastyrýǵa ýaǵdalasty.
