Reseidiń suraýymen Qazaqstanda ustalyp, qamaýda otyrǵan sheshen azamaty Mansýr Movlaev tergeý izoliatorynda ózine qol salýǵa áreket jasaǵan. Bul týraly onyń qorǵaýshysy Vadim Drozdovqa silteme jasaǵan «Novaia gazeta Evropa» basylymy habarlady, dep habarlaidy dalanews.kz.
Basylym málimetinshe, Movlaevqa der kezinde meditsinalyq kómek kórsetilgen. Qazirgi ýaqytta onyń ómirine qaýip tónip turǵan joq. Ózine qol jumsaýǵa árekettener aldynda jazyp qaldyrǵan hatynda Movlaev ádiletsizdikke tóze almai qalǵanyn aitqan.
«Sot ta, prokýratýra da bizdi tyńdamaidy. Eger Reseige tapsyrylsam, Qadyrovtyń adamdary meni azaptap, qorlap, óltirýi múmkin, keiin muny óz erkimmen jasaǵandai etip kórsetedi. Men endi mundai azapqa qaita ushyraǵym kelmeidi. Sońǵy 16 ai boiy ekstraditsiiadan qorqyp ómir súrsem de, úmitimdi úzbegen edim. Qazir mende tek qorqynysh qana qaldy», – dep jazǵan ol.
Sondai-aq Movlaev hatynda Reseidegi oppozitsiialyq saiasatker Aleksei Navalnyidyń Sankt-Peterbýrgtegi shtabynda jumys istegen, qazir Qazaqstandaǵy tergeý abaqtysynda otyrǵan Iýliia Emelianovany Reseige ekstraditsiialaýdan qorǵaýdy suraǵan.
Qazaqstan Ishki ister ministrliginiń Qylmystyq-atqarý júiesi komiteti bul oqiǵaǵa qatysty túsinikteme berý týraly Azattyqtyń saýalyna jaýap bermegen.
