رەسەيدٸڭ سۇراۋىمەن قازاقستاندا ۇستالىپ, قاماۋدا وتىرعان شەشەن ازاماتى مانسۋر موۆلاەۆ تەرگەۋ يزولياتورىندا ٶزٸنە قول سالۋعا ەرەكەت جاساعان. بۇل تۋرالى ونىڭ قورعاۋشىسى ۆاديم دروزدوۆقا سٸلتەمە جاساعان «نوۆايا گازەتا ەۆروپا» باسىلىمى حابارلادى, دەپ حابارلايدى dalanews.kz.
باسىلىم مەلٸمەتٸنشە, موۆلاەۆقا دەر كەزٸندە مەديتسينالىق كٶمەك كٶرسەتٸلگەن. قازٸرگٸ ۋاقىتتا ونىڭ ٶمٸرٸنە قاۋٸپ تٶنٸپ تۇرعان جوق. ٶزٸنە قول جۇمساۋعا ەرەكەتتەنەر الدىندا جازىپ قالدىرعان حاتىندا موۆلاەۆ ەدٸلەتسٸزدٸككە تٶزە الماي قالعانىن ايتقان.
«سوت تا, پروكۋراتۋرا دا بٸزدٸ تىڭدامايدى. ەگەر رەسەيگە تاپسىرىلسام, قادىروۆتىڭ ادامدارى مەنٸ ازاپتاپ, قورلاپ, ٶلتٸرۋٸ مٷمكٸن, كەيٸن مۇنى ٶز ەركٸممەن جاساعانداي ەتٸپ كٶرسەتەدٸ. مەن ەندٸ مۇنداي ازاپقا قايتا ۇشىراعىم كەلمەيدٸ. سوڭعى 16 اي بويى ەكستراديتسييادان قورقىپ ٶمٸر سٷرسەم دە, ٷمٸتٸمدٸ ٷزبەگەن ەدٸم. قازٸر مەندە تەك قورقىنىش قانا قالدى», – دەپ جازعان ول.
سونداي-اق موۆلاەۆ حاتىندا رەسەيدەگٸ وپپوزيتسييالىق ساياساتكەر الەكسەي ناۆالنىيدىڭ سانكت-پەتەربۋرگتەگٸ شتابىندا جۇمىس ٸستەگەن, قازٸر قازاقستانداعى تەرگەۋ اباقتىسىندا وتىرعان يۋلييا ەمەليانوۆانى رەسەيگە ەكستراديتسييالاۋدان قورعاۋدى سۇراعان.
قازاقستان ٸشكٸ ٸستەر مينيسترلٸگٸنٸڭ قىلمىستىق-اتقارۋ جٷيەسٸ كوميتەتٸ بۇل وقيعاعا قاتىستى تٷسٸنٸكتەمە بەرۋ تۋرالى ازاتتىقتىڭ ساۋالىنا جاۋاپ بەرمەگەن.
