Astana qalasynda sekýndyna 10 Gbit/s deiingi (10G) symdyq internetti synaýǵa arnalǵan pilottyq joba iske qosyldy,- dep habarlaidy Dalanews.kz
Is-sharaǵa qala ákimi orynbasary Evgenii Glotov, memlekettik organdar ókilderi jáne jobanyń tehnologiialyq seriktesteri qatysty.
Joba Huawei Technologies Kazakhstan pen «Astana Innovations» AQ arasynda tsifrlyq sheshimder men telekommýnikatsiialyq infraqurylymdy birlesip damytý týraly memorandým aiasynda júzege asyrylýda. Bastamany Astana ákimdigi qoldap, tehnologiialyq seriktes retinde Beeline kompaniiasy atsalysýda.
Kórsetilim alańynyń infraqurylymdyq seriktesi retinde Forte kompaniiasy qyzmet etedi.
Tanystyrý barysynda qatysýshylarǵa 10G PON tehnologiiasynyń erekshelikteri men artyqshylyqtary tanystyrylyp, jańa býyndaǵy optikalyq terminaldar, zamanaýi OLT jáne Wi-Fi 7 standarty kórsetildi. Demonstratsiialyq aimaqta qonaqtar internetti jeke synap, qosylý jyldamdyǵyn ólshep, servisterdiń turaqtylyǵyn baǵalai aldy. Jelilik synaqtar 9490 Mbit/s deiingi júkteý jáne júktep salý jyldamdyǵyn kórsetti, bul resýrsty qajet etetin servisterdiń, 8K beineden bulttyq oiynǵa deiin, turaqty jumys isteýi úshin jetkilikti.
«Astanada 10G tehnologiiasyn iske qosý – jańa býyn tsifrlyq infraqurylymyn qalyptastyrýǵa strategiialyq qadam. Biz úshin innovatsiialardyń synaqtan praktikalyq qoldanýǵa tez aýysýy jáne qala turǵyndary men biznesterge naqty paida ákelýi mańyzdy. Bul joba Astanada zamanaýi servisterdi engizýdiń negizi bolady dep senemin, olar qalanyń infraqurylymyn jańa deńgeige kóteredi», — dedi «Astana Innovations» AQ basqarma tóraǵasy Ǵizat Ámirǵali.
«Huawei ázirlegen 10G PON tehnologiiasynyń elimizde alǵash ret ashyq jobanyń aiasynda qoljetimdi bolýy biz úshin maqtanysh. Sýperjoǵary jyldamdyqty symdyq internet qalalyq ortada tsifrlandyrýdy, biznestiń, bilim berý men densaýlyq saqtaýdyń damýyn jańa deńgeige kóteredi.
Seriktesterimizge senim bildirgenderi úshin alǵysymyzdy aitamyz jáne bul joba elimiz boiynsha ozyq tsifrlyq sheshimderdi masshtabtaýdyń negizi bolady dep senemiz», — dedi Huawei Technologies Kazakhstan kompaniiasynyń bas direktory Sýn Iasiýi.
«Tsifrlyq operator retinde bizdiń basty maqsatymyz – eń ozyq tehnologiialardy paidalana otyryp, klientterge úzdik tájiribe usyný. Mundai mańyzdy sharada tehnologiialyq seriktes bolyp qatysqanyma qýanyshtymyz, bul elimizdiń tsifrlyq ekojúiesinde jańa kezeńniń bastaýy. Beeline testtiń múmkindiginshe tezirek kúndelikti ómirdiń bir bóligine ainalýyna kúsh salatyn bolady», — dedi CEO Enterprise CO Beeline Raýan Kadbrahimov.
Pilottyq jobaǵa qala turǵyndary 2025 jyldyń 19 qyrkúiegine deiin qatysa alady. 10G internetti synaý Dostyq k-si, 8/1 mekenjaiy boiynsha Forte kovorkinginde dúisenbiden jumaǵa deiin, saǵat 9:00-den 18:00-ge deiin júzege asyrylady.
Aita keteiik, 10G PON – bul sekýndyna 10 gigabit jyldamdyqqa deiingi symdyq internet. 4G jáne 5G uialy bailanys standarttarynan aiyrmashylyǵy, «10» sany tehnologiianyń býynyn emes, derekterdi tasymaldaý jyldamdyǵyn bildiredi.
