Baspanaly bolǵandar kezekte turǵan azamattar – jetim balalar, erekshe qajettiligi bar balalardy tárbielep otyrǵan otbasylar, tolyq emes otbasylar, zeinetkerler.
Áleýmettik turǵyn úi qalanyń barlyq aýdanynda salynýda. Búgin páter kilti Esil aýdanyndaǵy (Prigorodnyi eldi-mekeni) jáne Almaty aýdanyndaǵy (Qoshqarbaev kóshesi men A 104 qiylysy) turǵyn úi kesheninen berildi.
Memleket basshysynyń tapsyrmasy boiynsha qoljetimdi jeńildikti turǵyn úi kólemin ulǵaitý boiynsha júieli jumys júrgizip jatyrmyz. Biyl Nur-Sultanda 10 myń jeńildikti áleýmettik páter salynady. Tek sońǵy úsh jyldyń ishinde qoljetimdi turǵyn úi sany 5,5 eseden astamǵa ulǵaitylatyn bolady. Máselen 2018 jyly 1800 áleýmettik páter, 2019 jyly 2 900 áleýmettik páter, al 2020 jyly 7 000-nan astam páter salynyp, paidalanýǵa berildi.
Budan basqa, turǵyn úi sertifikatynyń somasyn 1 mln teńgeden 1,5 mln teńgege deiin ulǵaittyq, Qazaqstandyq turǵyn úi kompaniiasynyń (QIK) baǵdarlamasy boiynsha qatysýshylar sanatyn keńeittik: meditsinalyq qyzmetkerler, pedagogtar, áleýmettik qyzmetkerler, órt sóndirýshiler, tártip saqshylary, mádeniet jáne sport qairatkerleri qatysa alady.
Elorda kúnimen taǵy da quttyqtaimyn! Sizderge zor densaýlyq, otbasylaryńyzǵa amandyq jáne tabys tileimin! – dep jazdy elorda ákimi.
https://www.youtube.com/watch?v=az354nUNZbU&t=3s
Foto: Aleksandr Kýprienko
