Baspanaly bolǵandar kezekte turǵan azamattar – jetim balalar, erekshe qajettiligi bar balalardy tárbıelep otyrǵan otbasylar, tolyq emes otbasylar, zeınetkerler.
– Elorda kúni qala turǵyndary qonys toıyn toılap jatyr. Mereke qarsańynda taǵy 400 otbasy kópten kútken páter kiltin aldy. Bul kezekte turǵan azamattar: jetim balalar, erekshe qajettiligi bar balalardy tárbıelep otyrǵan otbasylar, tolyq emes otbasylar, zeınetkerler.
Áleýmettik turǵyn úı qalanyń barlyq aýdanynda salynýda. Búgin páter kilti Esil aýdanyndaǵy (Prıgorodnyı eldi-mekeni) jáne Almaty aýdanyndaǵy (Qoshqarbaev kóshesi men A 104 qıylysy) turǵyn úı kesheninen berildi.
Memleket basshysynyń tapsyrmasy boıynsha qoljetimdi jeńildikti turǵyn úı kólemin ulǵaıtý boıynsha júıeli jumys júrgizip jatyrmyz. Bıyl Nur-Sultanda 10 myń jeńildikti áleýmettik páter salynady. Tek sońǵy úsh jyldyń ishinde qoljetimdi turǵyn úı sany 5,5 eseden astamǵa ulǵaıtylatyn bolady. Máselen 2018 jyly 1800 áleýmettik páter, 2019 jyly 2 900 áleýmettik páter, al 2020 jyly 7 000-nan astam páter salynyp, paıdalanýǵa berildi.
Budan basqa, turǵyn úı sertıfıkatynyń somasyn 1 mln teńgeden 1,5 mln teńgege deıin ulǵaıttyq, Qazaqstandyq turǵyn úı kompanıasynyń (QIK) baǵdarlamasy boıynsha qatysýshylar sanatyn keńeıttik: medısınalyq qyzmetkerler, pedagogtar, áleýmettik qyzmetkerler, órt sóndirýshiler, tártip saqshylary, mádenıet jáne sport qaıratkerleri qatysa alady.
Sondaı-aq, Elbasynyń bastamasymen qolǵa alynǵan «Jumys isteıtin jastarǵa jalǵa beriletin baspana» baǵdarlamasy bıyl da jalǵasady. Baǵdarlama aıasynda jyl sońyna deıin taǵy 1 myńnan astam jas baspanaly bolady. Osy myń páterden bólek, bıyl jyl basynda 350 jasqa páter kilti tapsyrylǵan bolatyn. Sol sıaqty 2021 jyly jastar úshin arnaıy turǵyn úı baǵdarlamasyn (áleýmettik nesıeleý) iske qosýdy josparlap otyrmyz.
Elorda kúnimen taǵy da quttyqtaımyn! Sizderge zor densaýlyq, otbasylaryńyzǵa amandyq jáne tabys tileımin! – dep jazdy elorda ákimi.
https://www.youtube.com/watch?v=az354nUNZbU&t=3s
Foto: Aleksandr Kýprıenko
