باسپانالى بولعاندار كەزەكتە تۇرعان ازاماتتار – جەتىم بالالار، ەرەكشە قاجەتتىلىگى بار بالالاردى تاربيەلەپ وتىرعان وتباسىلار، تولىق ەمەس وتباسىلار، زەينەتكەرلەر.
– ەلوردا كۇنى قالا تۇرعىندارى قونىس تويىن تويلاپ جاتىر. مەرەكە قارساڭىندا تاعى 400 وتباسى كوپتەن كۇتكەن پاتەر كىلتىن الدى. بۇل كەزەكتە تۇرعان ازاماتتار: جەتىم بالالار، ەرەكشە قاجەتتىلىگى بار بالالاردى تاربيەلەپ وتىرعان وتباسىلار، تولىق ەمەس وتباسىلار، زەينەتكەرلەر.
الەۋمەتتىك تۇرعىن ءۇي قالانىڭ بارلىق اۋدانىندا سالىنۋدا. بۇگىن پاتەر كىلتى ەسىل اۋدانىنداعى (پريگورودنىي ەلدى-مەكەنى) جانە الماتى اۋدانىنداعى (قوشقاربايەۆ كوشەسى مەن ا 104 قيىلىسى) تۇرعىن ءۇي كەشەنىنەن بەرىلدى.
مەملەكەت باسشىسىنىڭ تاپسىرماسى بويىنشا قولجەتىمدى جەڭىلدىكتى تۇرعىن ءۇي كولەمىن ۇلعايتۋ بويىنشا جۇيەلى جۇمىس جۇرگىزىپ جاتىرمىز. بيىل نۇر-سۇلتاندا 10 مىڭ جەڭىلدىكتى الەۋمەتتىك پاتەر سالىنادى. تەك سوڭعى ءۇش جىلدىڭ ىشىندە قولجەتىمدى تۇرعىن ءۇي سانى 5،5 ەسەدەن استامعا ۇلعايتىلاتىن بولادى. ماسەلەن 2018 جىلى 1800 الەۋمەتتىك پاتەر، 2019 جىلى 2 900 الەۋمەتتىك پاتەر، ال 2020 جىلى 7 000-نان استام پاتەر سالىنىپ، پايدالانۋعا بەرىلدى.
بۇدان باسقا، تۇرعىن ءۇي سەرتيفيكاتىنىڭ سوماسىن 1 ملن تەڭگەدەن 1،5 ملن تەڭگەگە دەيىن ۇلعايتتىق، قازاقستاندىق تۇرعىن ءۇي كومپانياسىنىڭ (قيك) باعدارلاماسى بويىنشا قاتىسۋشىلار ساناتىن كەڭەيتتىك: مەديسينالىق قىزمەتكەرلەر، پەداگوگتار، الەۋمەتتىك قىزمەتكەرلەر، ءورت سوندىرۋشىلەر، ءتارتىپ ساقشىلارى، مادەنيەت جانە سپورت قايراتكەرلەرى قاتىسا الادى.
سونداي-اق، ەلباسىنىڭ باستاماسىمەن قولعا الىنعان «جۇمىس ىستەيتىن جاستارعا جالعا بەرىلەتىن باسپانا» باعدارلاماسى بيىل دا جالعاسادى. باعدارلاما اياسىندا جىل سوڭىنا دەيىن تاعى 1 مىڭنان استام جاس باسپانالى بولادى. وسى مىڭ پاتەردەن بولەك، بيىل جىل باسىندا 350 جاسقا پاتەر كىلتى تاپسىرىلعان بولاتىن. سول سياقتى 2021 جىلى جاستار ءۇشىن ارنايى تۇرعىن ءۇي باعدارلاماسىن (الەۋمەتتىك نەسيەلەۋ) ىسكە قوسۋدى جوسپارلاپ وتىرمىز.
ەلوردا كۇنىمەن تاعى دا قۇتتىقتايمىن! سىزدەرگە زور دەنساۋلىق، وتباسىلارىڭىزعا اماندىق جانە تابىس تىلەيمىن! – دەپ جازدى ەلوردا اكىمى.
https://www.youtube.com/watch؟v=az354nUNZbU&t=3s
فوتو: الەكساندر كۋپريەنكو
