Jıynda Nur-Sultan qalasy ákiminiń orynbasary Baqtıar Máken elorda jastaryna jan-jaqty qoldaý kórsetetin baǵdarlamanyń mańyzdylyǵyn atap ótti.
– Búgingi kezdesýimizdiń maqsaty – jastarǵa arnalǵan aýqymdy baǵdarlamany talqylaý. Qala basshysy jastarǵa arnalǵan osyndaı baǵdarlamalardyń qurylýyn árdaıym qoldaıdy. «Elorda Jastary» baǵdarlamasynyń negizgi baǵyttarynyń biri – kásibı bilim, jumyspen qamtý jáne jastarǵa arnalǵan qoljetimdi baspana. Baǵdarlama aıasynda osy úsh baǵytty damytýymyz kerek. Sonyń ishinde salaýatty ósir saltyn ustaný jónindegi baǵytty da eskergen mańyzdy, – dedi Baqtıar Máken.
Nur-Sultan qalasy Jastar saıasaty máseleleri basqarmasynyń basshysy Qaırat Qambarov atalǵan baǵdarlamalardyń baǵyttary týraly tolyǵyraq aıtty.
Jastardyń qajettiligi negizinde ázirlengen «Elorda Jastary» baǵdarlamasy Nur-Sultan qalasynyń 2050 jylǵa deıingi stoategıalyq damý josparyna saı jasaldy.
Basqarma basshysynyń aıtýynsha, baǵdarlama 4 baǵyttan turady. Onyń birinshisi – sapaly ári qoljetimdi bilim. Bul turǵyda jańa Oqýshylar saraıy salynbaq. 2021-2023 jyldary joǵary oqý oryndarynda bilim, densaýlyq saqtaý jáne áleýmettik qorǵaý jelisi boıynsha 2 142 grant bólinbek.
«Eńbek» memlekettik baǵdarlamasy aıasynda 3 jyl ishinde 3 150 kadrdy daıyndaý kózdelýde.
Ekinshi baǵyt – kásibı baǵdar, jumyspen qamtý jáne jastar kásipkerligi. Bul rette «Jańa mamandyq atlasy» engizilmek. 1 500 túlek dýaldi oqytý baǵdarlamasy boıynsha jumyspen qamtylmaq.
«Jastar tájirıbesi» jastar baǵdarlamasy boıynsha jumyspen qamtýdy 50 paıyzǵa arttyrý kózdelýde.
29 jasqa deıingi jas kásipkerlerge bólinetin grant kólemin 45 mln teńgege deıin arttyrý josparlanyp otyr.
Úshinshi baǵyt – jas otbasylardy turǵyn úımen qamtamasyz etý. «Jumys isteıtin jastarǵa arnalǵan satyp alý quqyǵynsyz jalǵa berý» baǵdarlamasy aıasynda 1 000 páter bólinbek. Sonymen qatar «Otbasy» bankimen birlesip elorda jastaryna jeńildetilgen nesıemen 600 páter bólinedi dep josparlanýda.
Sondaı-aq ata-ana qamqorlyǵynsyz qalǵan balalar men jetim balalarǵa arnalǵan páter kvotasyn 20 paıyzǵa jetkizý kózdelýde.
«Otbasy – baqyt mekeni» neke jáne otbasy ınstıtýtyn nyǵaıtý jónindegi sharalar keshenin júzege asyrý josparlanyp otyr. Sol sıaqty stýdentter jataqhanasyn salý úshin 19 gektar jer bólinbek.
Tórtinshi baǵyt – salaýatty ómir saltyn ustaný jáne bos ýaqytty tıimdi paıdalaný. Bul rette «Jastar» teatry ashylmaq.
15 aýla klýby, 6 jastarǵa arnalǵan densaýlyq ortalyǵy, 4 deneshynyqtyrý-saýyqtyrý kesheni, jańa kitaphana, tegin kovorkıng-ortalyq ashylady dep josparlanýda.
Sport sheberlerine beriletin aı saıyn tólem kólemi 100 AEK-ke deıin kóbeıtilmek.
Sonymen qatar 14 pen 29 jastaǵy jastarǵa sport nysandaryna barǵan jaǵdaıda 50 paıyzǵa deıin jeńildik berilmek.
Sol sıaqty jastardyń jappaı sportpen aınalysatyn aýmaqtarynda sport alańdary men workout-alańdar sany artady dep josparlanyp otyr.
– Baǵdarlama jobasyn ázirleý barysynda qala basshylyǵymen 12 oflaın jáne onlaın kezdesý ótti. Sondaı-aq úkimettik emes jastar uıymdarynan, stýdentter qaýymdastyǵy ókilderinen, qoǵam belsendilerinen, volonterlik uıymdar jetekshilerinen, jas kásipkerlerden, eń tabysty sport ókilderinen, sarapshylar men ınternet qoldanýshylarynan 3 myńnan asa suraq kelip tústi, – dedi Qambarov.
Kezdesý kezinde jastarǵa arnalǵan qoljetimdi baspanaǵa qatysty máselege erekshe kóńil bólindi. Jastar saıasaty máseleleri basqarmasy basshysynyń aıtýynsha, «Elorda Zhastary» aıasynda engiziletin jeńildetilgen nesıe baǵdarlamasy boıynsha 10 paıyzdyq ústemeaqymen 35 jasqa deıingi azamattarǵa 25 jylǵa deıingi merzimge nesıe arqyly baspanaly bolý múmkindigi berilmek.
– Atalǵan baǵdarlamany qala ákimi Altaı Seıdiruly qoldady. Qazirgi ýaqytta Ekonomıka jáne turǵyn úı basqarmasymen birlesip, páter erejesi boıynsha jumys istep jatyrmyz. Odan keıin bul isti qalalyq búdjettik komısıayń qaraýyna jiberemiz, – dedi Qaırat Qambarov.
Jıyn barysynda jastar uıymdarynyń ókilderi baǵdarlama jobasyn jaqsartý jóninde ózderiniń pikirleri men usynystaryn bildirdi.
Kezdesý sońynda qala ákiminiń orynbasary Baqtıar Máken belsendi jastar tarapynan túsken usynystardy engizip, baǵdarlama jobasyn 26 aqpanǵa deıin ózgertýdi tapsyrdy.
https://www.youtube.com/watch?v=JrvV2iTmSc4&feature=emb_logo
