جيىندا نۇر-سۇلتان قالاسى اكىمىنىڭ ورىنباسارى باقتيار ماكەن ەلوردا جاستارىنا جان-جاقتى قولداۋ كورسەتەتىن باعدارلامانىڭ ماڭىزدىلىعىن اتاپ ءوتتى.
– بۇگىنگى كەزدەسۋىمىزدىڭ ماقساتى – جاستارعا ارنالعان اۋقىمدى باعدارلامانى تالقىلاۋ. قالا باسشىسى جاستارعا ارنالعان وسىنداي باعدارلامالاردىڭ قۇرىلۋىن ءاردايىم قولدايدى. «Elorda Jastary» باعدارلاماسىنىڭ نەگىزگى باعىتتارىنىڭ ءبىرى – كاسىبي ءبىلىم، جۇمىسپەن قامتۋ جانە جاستارعا ارنالعان قولجەتىمدى باسپانا. باعدارلاما اياسىندا وسى ءۇش باعىتتى دامىتۋىمىز كەرەك. سونىڭ ىشىندە سالاۋاتتى ءوسىر سالتىن ۇستانۋ جونىندەگى باعىتتى دا ەسكەرگەن ماڭىزدى، – دەدى باقتيار ماكەن.
نۇر-سۇلتان قالاسى جاستار ساياساتى ماسەلەلەرى باسقارماسىنىڭ باسشىسى قايرات قامباروۆ اتالعان باعدارلامالاردىڭ باعىتتارى تۋرالى تولىعىراق ايتتى.
جاستاردىڭ قاجەتتىلىگى نەگىزىندە ازىرلەنگەن «Elorda Jastary» باعدارلاماسى نۇر-سۇلتان قالاسىنىڭ 2050 جىلعا دەيىنگى ستواتەگيالىق دامۋ جوسپارىنا ساي جاسالدى.
باسقارما باسشىسىنىڭ ايتۋىنشا، باعدارلاما 4 باعىتتان تۇرادى. ونىڭ ءبىرىنشىسى – ساپالى ءارى قولجەتىمدى ءبىلىم. بۇل تۇرعىدا جاڭا وقۋشىلار سارايى سالىنباق. 2021-2023 جىلدارى جوعارى وقۋ ورىندارىندا ءبىلىم، دەنساۋلىق ساقتاۋ جانە الەۋمەتتىك قورعاۋ جەلىسى بويىنشا 2 142 گرانت بولىنبەك.
«ەڭبەك» مەملەكەتتىك باعدارلاماسى اياسىندا 3 جىل ىشىندە 3 150 كادردى دايىنداۋ كوزدەلۋدە.
ەكىنشى باعىت – كاسىبي باعدار، جۇمىسپەن قامتۋ جانە جاستار كاسىپكەرلىگى. بۇل رەتتە «جاڭا ماماندىق اتلاسى» ەنگىزىلمەك. 1 500 تۇلەك ءدۋالدى وقىتۋ باعدارلاماسى بويىنشا جۇمىسپەن قامتىلماق.
«جاستار تاجىريبەسى» جاستار باعدارلاماسى بويىنشا جۇمىسپەن قامتۋدى 50 پايىزعا ارتتىرۋ كوزدەلۋدە.
29 جاسقا دەيىنگى جاس كاسىپكەرلەرگە بولىنەتىن گرانت كولەمىن 45 ملن تەڭگەگە دەيىن ارتتىرۋ جوسپارلانىپ وتىر.
ءۇشىنشى باعىت – جاس وتباسىلاردى تۇرعىن ۇيمەن قامتاماسىز ەتۋ. «جۇمىس ىستەيتىن جاستارعا ارنالعان ساتىپ الۋ قۇقىعىنسىز جالعا بەرۋ» باعدارلاماسى اياسىندا 1 000 پاتەر بولىنبەك. سونىمەن قاتار «وتباسى» بانكىمەن بىرلەسىپ ەلوردا جاستارىنا جەڭىلدەتىلگەن نەسيەمەن 600 پاتەر بولىنەدى دەپ جوسپارلانۋدا.
سونداي-اق اتا-انا قامقورلىعىنسىز قالعان بالالار مەن جەتىم بالالارعا ارنالعان پاتەر كۆوتاسىن 20 پايىزعا جەتكىزۋ كوزدەلۋدە.
«وتباسى – باقىت مەكەنى» نەكە جانە وتباسى ينستيتۋتىن نىعايتۋ جونىندەگى شارالار كەشەنىن جۇزەگە اسىرۋ جوسپارلانىپ وتىر. سول سياقتى ستۋدەنتتەر جاتاقحاناسىن سالۋ ءۇشىن 19 گەكتار جەر بولىنبەك.
ءتورتىنشى باعىت – سالاۋاتتى ءومىر سالتىن ۇستانۋ جانە بوس ۋاقىتتى ءتيىمدى پايدالانۋ. بۇل رەتتە «جاستار» تەاترى اشىلماق.
15 اۋلا كلۋبى، 6 جاستارعا ارنالعان دەنساۋلىق ورتالىعى، 4 دەنەشىنىقتىرۋ-ساۋىقتىرۋ كەشەنى، جاڭا كىتاپحانا، تەگىن كوۆوركينگ-ورتالىق اشىلادى دەپ جوسپارلانۋدا.
سپورت شەبەرلەرىنە بەرىلەتىن اي سايىن تولەم كولەمى 100 اەك-كە دەيىن كوبەيتىلمەك.
سونىمەن قاتار 14 پەن 29 جاستاعى جاستارعا سپورت نىساندارىنا بارعان جاعدايدا 50 پايىزعا دەيىن جەڭىلدىك بەرىلمەك.
سول سياقتى جاستاردىڭ جاپپاي سپورتپەن اينالىساتىن اۋماقتارىندا سپورت الاڭدارى مەن workout-الاڭدار سانى ارتادى دەپ جوسپارلانىپ وتىر.
– باعدارلاما جوباسىن ازىرلەۋ بارىسىندا قالا باسشىلىعىمەن 12 وفلاين جانە ونلاين كەزدەسۋ ءوتتى. سونداي-اق ۇكىمەتتىك ەمەس جاستار ۇيىمدارىنان، ستۋدەنتتەر قاۋىمداستىعى وكىلدەرىنەن، قوعام بەلسەندىلەرىنەن، ۆولونتەرلىك ۇيىمدار جەتەكشىلەرىنەن، جاس كاسىپكەرلەردەن، ەڭ تابىستى سپورت وكىلدەرىنەن، ساراپشىلار مەن ينتەرنەت قولدانۋشىلارىنان 3 مىڭنان اسا سۇراق كەلىپ ءتۇستى، – دەدى قامباروۆ.
كەزدەسۋ كەزىندە جاستارعا ارنالعان قولجەتىمدى باسپاناعا قاتىستى ماسەلەگە ەرەكشە كوڭىل ءبولىندى. جاستار ساياساتى ماسەلەلەرى باسقارماسى باسشىسىنىڭ ايتۋىنشا، «Elorda Zhastary» اياسىندا ەنگىزىلەتىن جەڭىلدەتىلگەن نەسيە باعدارلاماسى بويىنشا 10 پايىزدىق ۇستەمەاقىمەن 35 جاسقا دەيىنگى ازاماتتارعا 25 جىلعا دەيىنگى مەرزىمگە نەسيە ارقىلى باسپانالى بولۋ مۇمكىندىگى بەرىلمەك.
– اتالعان باعدارلامانى قالا اكىمى التاي سەيدىر ۇلى قولدادى. قازىرگى ۋاقىتتا ەكونوميكا جانە تۇرعىن ءۇي باسقارماسىمەن بىرلەسىپ، پاتەر ەرەجەسى بويىنشا جۇمىس ىستەپ جاتىرمىز. ودان كەيىن بۇل ءىستى قالالىق بيۋدجەتتىك كوميسسياىڭ قاراۋىنا جىبەرەمىز، – دەدى قايرات قامباروۆ.
جيىن بارىسىندا جاستار ۇيىمدارىنىڭ وكىلدەرى باعدارلاما جوباسىن جاقسارتۋ جونىندە وزدەرىنىڭ پىكىرلەرى مەن ۇسىنىستارىن ءبىلدىردى.
كەزدەسۋ سوڭىندا قالا اكىمىنىڭ ورىنباسارى باقتيار ماكەن بەلسەندى جاستار تاراپىنان تۇسكەن ۇسىنىستاردى ەنگىزىپ، باعدارلاما جوباسىن 26 اقپانعا دەيىن وزگەرتۋدى تاپسىردى.
https://www.youtube.com/watch؟v=JrvV2iTmSc4&feature=emb_logo
