"Osy kóktemde qalada kórý qabileti nashar balalarǵa arnalǵan mamandandyrylǵan balabaqsha ashylady. 90 orynǵa eseptelgen mekeme Saryarqa aýdanynda ornalasady. Sonymen birge, biyl erekshe qajettiligi bar azamattardy qamtýdy keńeitetin birqatar ońaltý ortalyqtaryn ashamyz.
Júieli negizde múmkindigi shekteýli turǵyndardy ońaltý úshin jaǵdai jasaý mańyzdy. Máselen, ótken jyly ǵana BTsP, aýtizm, Daýn sindromy syndy diagnozy bar balalardy ońaltýmen ainalysatyn birqatar iri ońaltý ortalyqtary ashyldy. Máselen, «Asyl Miras» aýtizm ortalyǵy arqyly aýtistik spektrdi 50% kóbirek qamtydyq. Bul joba Bolat Ótemuratov qorymen birlese júzege asyrylýda. Sol úide ornalasqan taǵy bir ońaltý ortalyǵy BTsP, aýtizm diagnozy jáne basqa da birqatar aýrýlary bar balalarmen ainalysady.
№1 qalalyq balalar aýrýhanasy bazasynda Tuńǵysh Prezident Qory men «Samuryq-Qazyna» qoldaýymen ótken jyldyń kúzinde «Qamqorlyq» ońaltý ortalyǵy ashyldy. Bul DTsP diagnozy bar 600-ge jýyq balany jyl saiyn qosymsha tegin meditsinalyq kómekpen qamtýǵa múmkindik beredi.
Jańa úilerdiń birinshi qabattarynda «qadamdyq qoljetimdilik» qaǵidatyna sai balalarǵa arnalǵan shaǵyn ortalyqtar, ońaltý ortalyqtary, balabaqshalar, úidiń janyndaǵy dáriger jáne t.b. nysandar ashamyz.
Ulttyq qoǵamdyq senim keńesiniń V otyrysynda Prezident erekshe qajettiligi bar balalardyń sany ósip kele jatqanyn, olarǵa jan-jaqty keshendi ońaltý qajet ekenin, "alǵashqy meditsinalyq-sanitarlyq kómek uiymdary janyndaǵy áleýmettik qyzmetterdiń jumysyn kúsheitý qajet" ekenin atap ótti.
Erekshe qajettiligi bar azamattardy ońaltý úshin jaǵdai jasaý boiynsha jumysty júieli negizde jalǵastyramyz", - dep jazdy elorda ákimi.
Foto: Aleksandr Kýprienko
