"وسى كوكتەمدە قالادا كورۋ قابىلەتى ناشار بالالارعا ارنالعان مامانداندىرىلعان بالاباقشا اشىلادى. 90 ورىنعا ەسەپتەلگەن مەكەمە سارىارقا اۋدانىندا ورنالاسادى. سونىمەن بىرگە، بيىل ەرەكشە قاجەتتىلىگى بار ازاماتتاردى قامتۋدى كەڭەيتەتىن ءبىرقاتار وڭالتۋ ورتالىقتارىن اشامىز.
جۇيەلى نەگىزدە مۇمكىندىگى شەكتەۋلى تۇرعىنداردى وڭالتۋ ءۇشىن جاعداي جاساۋ ماڭىزدى. ماسەلەن، وتكەن جىلى عانا بسپ، اۋتيزم، داۋن سيندرومى سىندى دياگنوزى بار بالالاردى وڭالتۋمەن اينالىساتىن ءبىرقاتار ءىرى وڭالتۋ ورتالىقتارى اشىلدى. ماسەلەن، «اسىل ميراس» اۋتيزم ورتالىعى ارقىلى اۋتيستىك سپەكتردى 50% كوبىرەك قامتىدىق. بۇل جوبا بولات وتەمۇراتوۆ قورىمەن بىرلەسە جۇزەگە اسىرىلۋدا. سول ۇيدە ورنالاسقان تاعى ءبىر وڭالتۋ ورتالىعى بسپ، اۋتيزم دياگنوزى جانە باسقا دا ءبىرقاتار اۋرۋلارى بار بالالارمەن اينالىسادى.
№1 قالالىق بالالار اۋرۋحاناسى بازاسىندا تۇڭعىش پرەزيدەنت قورى مەن «سامۇرىق-قازىنا» قولداۋىمەن وتكەن جىلدىڭ كۇزىندە «قامقورلىق» وڭالتۋ ورتالىعى اشىلدى. بۇل دسپ دياگنوزى بار 600-گە جۋىق بالانى جىل سايىن قوسىمشا تەگىن مەديسينالىق كومەكپەن قامتۋعا مۇمكىندىك بەرەدى.
قالا اۋداندارىندا «ءۇي جانىنداعى دارىگەر» اتتى 29 نىسان اشىلماقشى. يپپودروم بازاسىندا بالالار يپپوتەراپيامەن اينالىسا الاتىن جابىق مانەجدىڭ قۇرىلىسىن جۇرگىزىپ جاتىرمىز. «جاستار» سارايىندا ەرەكشە قاجەتتىلىگى بار ادامدار ءۇشىن قولجەتىمدى باسسەين بولادى. ينۆاتاكسي سانى 2 ەسەگە ارتادى.
جاڭا ۇيلەردىڭ ءبىرىنشى قاباتتارىندا «قادامدىق قولجەتىمدىلىك» قاعيداتىنا ساي بالالارعا ارنالعان شاعىن ورتالىقتار، وڭالتۋ ورتالىقتارى، بالاباقشالار، ءۇيدىڭ جانىنداعى دارىگەر جانە ت.ب. نىساندار اشامىز.
ۇلتتىق قوعامدىق سەنىم كەڭەسىنىڭ V وتىرىسىندا پرەزيدەنت ەرەكشە قاجەتتىلىگى بار بالالاردىڭ سانى ءوسىپ كەلە جاتقانىن، ولارعا جان-جاقتى كەشەندى وڭالتۋ قاجەت ەكەنىن، "العاشقى مەديسينالىق-سانيتارلىق كومەك ۇيىمدارى جانىنداعى الەۋمەتتىك قىزمەتتەردىڭ جۇمىسىن كۇشەيتۋ قاجەت" ەكەنىن اتاپ ءوتتى.
ەرەكشە قاجەتتىلىگى بار ازاماتتاردى وڭالتۋ ءۇشىن جاعداي جاساۋ بويىنشا جۇمىستى جۇيەلى نەگىزدە جالعاستىرامىز"، - دەپ جازدى ەلوردا اكىمى.
فوتو: الەكساندر كۋپريەنكو
