Elimizde respýblikalyq mańyzy bar aqyly avtojoldarda qaýipsizdik pen kólik qozǵalysynyń úzdiksiz iske asyrylýyna keri áser etetin aqaýlar anyqtalǵan jaǵdaida, jol paidalanýshylary mundai jol ýchaskelerimen júrip ótkeni úshin jol aqysyn tóleýden bosatylady. Kólik ministrligi mundai norma tólem alý qaǵidalaryna engiziletin ózgerister jobasynda qarastyrylǵanyn ári onyń 2025 jyldyń maýsym aiynan bastap zańdy kúshine minetinin aitady, dep habarlaidy Dalanews.kz.
"Eger aqyly avtojolda jol qozǵalysy qaýipsizdigine áser etetin jáne jóndeýdi talap etip turǵan jol ýchaskesi bolsa, dál sol aralyq úshin jóndeý jumystary tolyq aiaqtalǵanǵa deiin tólemaqy alynbaidy. Mysaly, eger aqyly jol ýchaskesiniń jalpy uzyndyǵy 100 shaqyrymdy qurasa, onyń 5 shaqyrymy jóndeýdi talap etse, onda jol boiyndaǵy aqaýlar joiylǵanǵa deiin júrgizýshiler tek 95 shaqyrym jol úshin ǵana aqy tóleidi", dep túsindiredi quzyrly ministrlik.
Bul ózgeris biylǵy maýsym aiynan bastap kúshine enedi dep josparlanyp otyr.
Buǵan deiin saitymyzda "Tym jeńil jaza". Toqaev ministr Qarabaevqa ne úshin sógis jariialady?" degen maqala jariialanǵan bolatyn.
