ەلىمىزدە رەسپۋبليكالىق ماڭىزى بار اقىلى اۆتوجولداردا قاۋىپسىزدىك پەن كولىك قوزعالىسىنىڭ ۇزدىكسىز ىسكە اسىرىلۋىنا كەرى اسەر ەتەتىن اقاۋلار انىقتالعان جاعدايدا، جول پايدالانۋشىلارى مۇنداي جول ۋچاسكەلەرىمەن ءجۇرىپ وتكەنى ءۇشىن جول اقىسىن تولەۋدەن بوساتىلادى. كولىك مينيسترلىگى مۇنداي نورما تولەم الۋ قاعيدالارىنا ەنگىزىلەتىن وزگەرىستەر جوباسىندا قاراستىرىلعانىن ءارى ونىڭ 2025 جىلدىڭ ماۋسىم ايىنان باستاپ زاڭدى كۇشىنە مىنەتىنىن ايتادى، دەپ حابارلايدى Dalanews.kz.
"ەگەر اقىلى اۆتوجولدا جول قوزعالىسى قاۋىپسىزدىگىنە اسەر ەتەتىن جانە جوندەۋدى تالاپ ەتىپ تۇرعان جول ۋچاسكەسى بولسا، ءدال سول ارالىق ءۇشىن جوندەۋ جۇمىستارى تولىق اياقتالعانعا دەيىن تولەماقى الىنبايدى. مىسالى، ەگەر اقىلى جول ۋچاسكەسىنىڭ جالپى ۇزىندىعى 100 شاقىرىمدى قۇراسا، ونىڭ 5 شاقىرىمى جوندەۋدى تالاپ ەتسە، وندا جول بويىنداعى اقاۋلار جويىلعانعا دەيىن جۇرگىزۋشىلەر تەك 95 شاقىرىم جول ءۇشىن عانا اقى تولەيدى"، دەپ تۇسىندىرەدى قۇزىرلى مينيسترلىك.
بۇل وزگەرىس بيىلعى ماۋسىم ايىنان باستاپ كۇشىنە ەنەدى دەپ جوسپارلانىپ وتىر.
بۇعان دەيىن سايتىمىزدا "تىم جەڭىل جازا". توقايەۆ مينيستر قارابايەۆقا نە ءۇشىن سوگىس جاريالادى؟" دەگەن ماقالا جاريالانعان بولاتىن.
