Koronavırýstyq pandemıa jaǵdaıynda elimizde jeke qorǵanys quraldarynyń jetispeýshiligi týyndady, sonyń saldarynan qazaqstandyqtar ózderin múmkindiginshe juqtyrýdan qorǵaı almaýda. Qorǵanys quralynyń jáne «dárilerdiń» biri - bul antıseptık.
Kúshti alkogóldi ishimdikterdi óndirýshi retinde Asia Waters óndiristi jartylaı qaıta jandandyrýǵa jáne eldegi tapshylyqty joıý úshin antıseptıkalyq preparattardy óndirýdi bastaýǵa sheshim qabyldady.
– Naryqtyń antıseptıkterge degen shuǵyl qajettiligin eskere otyryp, jańa ónimdi shyǵarýdy uıymdastyrýǵa baılanysty qosymsha qarjylyq shyǵyndarǵa qaramastan sheshim dereý qabyldandy. Osy ýaqytqa deıin biz elimizde kúshti alkogóldiń jalǵyz óndirýshisi bolyp tabylatyn edik, endigi ýaqytta, tıisti memlekettik organdarda tez tirkelip, sertıfıkattaýdan ótip, sapaly jáne qaýipsiz antıseptıkalyq preparattardy qol jetimdi baǵamen shyǵarýdy uıymdastyrdyq, – dedi Asia Waters komersıalyq dırektory Rýslan Lamanov.
0,5 lıtr, 1 lıtr jáne 5 lıtr kólemindegi «ASEPTDEZIN» antıseptıkteriniń alǵashqy partıasy «Kókshetaý mıneraldy sýlary» AQ-nyń («Asia Waters» kompanıasynyń quramyna kiredi) iri óndiris oryndarynyń birinde shyǵaryldy. Antıseptıkalyq resept, DDU usynymdary boıynsha, «Kentavr» Aqtóbe spırt zaýytynyń tehnologtarymen jasalǵan. Memlekettik standarttarǵa sáıkes, antıseptık QR Densaýlyq saqtaý mınıstrliginde tirkeýden jáne sertıfıkattaýdan ótti, bul onyń qaýipsizdigi men sapasyn rastaıdy.
– ASEPTDEZIN saýda markasymen antıseptık juqpaly aýrýlardyń aldyn alý úshin qoldy tazartýǵa arnalǵan jáne barlyq sanıtarlyq jáne sapalyq standarttarǵa sáıkes keledi. Antıseptık quramynda alkogól, sýtegi asqyn totyǵy jáne terini jumsartatyn ıngredıentter bar. Ótken táýlikte Kókshetaý mıneraldy sýlarynyń negizinde 80 myń lıtr antıseptıkter shyǵaryldy. Jalpy, 15 sáýirge deıin 600 myń lıtr antıseptık shyǵarý josparlanǵan. Osy maqsatta nemis óndirýshisi Krones óndirisiniń jelisi arnaıy jóndeýden ótti. Óndiris kólemi naryqtyń qajettiligi men shıkizattyń jetkizilýine baılanysty, biraq óndiristik qýattylyq kóbirek múmkindik beredi, – deıdi KMW dırektory Stanıslav Maksımes:
Asia Waters osyndaı antıseptıkti Qostanaı qalasyndaǵy spırt zaýytynda da shyǵarady. Qazirgi ýaqytta kompanıa medısınalyq mekemeler men memlekettik uıymdardan tapsyrys qabyldap jatyr. Jaqynda eldegi dúkenderde jańa antıseptık paıda bolady. Usynylǵan baǵa 0,5 lıtr úshin 1730 teńge, 1 lıtr úshin 2640 teńge, 5 lıtr úshin 11 880 teńge bolady.
