كوروناۆيرۋستىق پاندەميا جاعدايىندا ەلىمىزدە جەكە قورعانىس قۇرالدارىنىڭ جەتىسپەۋشىلىگى تۋىندادى، سونىڭ سالدارىنان قازاقستاندىقتار وزدەرىن مۇمكىندىگىنشە جۇقتىرۋدان قورعاي الماۋدا. قورعانىس قۇرالىنىڭ جانە «دارىلەردىڭ» ءبىرى - بۇل انتيسەپتيك.
كۇشتى الكوگولدى ىشىمدىكتەردى ءوندىرۋشى رەتىندە Asia Waters ءوندىرىستى جارتىلاي قايتا جانداندىرۋعا جانە ەلدەگى تاپشىلىقتى جويۋ ءۇشىن انتيسەپتيكالىق پرەپاراتتاردى ءوندىرۋدى باستاۋعا شەشىم قابىلدادى.
– نارىقتىڭ انتيسەپتيكتەرگە دەگەن شۇعىل قاجەتتىلىگىن ەسكەرە وتىرىپ، جاڭا ءونىمدى شىعارۋدى ۇيىمداستىرۋعا بايلانىستى قوسىمشا قارجىلىق شىعىندارعا قاراماستان شەشىم دەرەۋ قابىلداندى. وسى ۋاقىتقا دەيىن ءبىز ەلىمىزدە كۇشتى الكوگولدىڭ جالعىز ءوندىرۋشىسى بولىپ تابىلاتىن ەدىك، ەندىگى ۋاقىتتا، ءتيىستى مەملەكەتتىك ورگانداردا تەز تىركەلىپ، سەرتيفيكاتتاۋدان ءوتىپ، ساپالى جانە ءقاۋىپسىز انتيسەپتيكالىق پرەپاراتتاردى قول جەتىمدى باعامەن شىعارۋدى ۇيىمداستىردىق، – دەدى Asia Waters كوممەرسيالىق ديرەكتورى رۋسلان لامانوۆ.
0،5 ليتر، 1 ليتر جانە 5 ليتر كولەمىندەگى «اسەپتدەزين» انتيسەپتيكتەرىنىڭ العاشقى پارتياسى «كوكشەتاۋ مينەرالدى سۋلارى» اق-نىڭ («Asia Waters» كومپانياسىنىڭ قۇرامىنا كىرەدى) ءىرى ءوندىرىس ورىندارىنىڭ بىرىندە شىعارىلدى. انتيسەپتيكالىق رەسەپت، ددۇ ۇسىنىمدارى بويىنشا، «كەنتاۆر» اقتوبە سپيرت زاۋىتىنىڭ تەحنولوگتارىمەن جاسالعان. مەملەكەتتىك ستاندارتتارعا سايكەس، انتيسەپتيك ق ر دەنساۋلىق ساقتاۋ مينيسترلىگىندە تىركەۋدەن جانە سەرتيفيكاتتاۋدان ءوتتى، بۇل ونىڭ قاۋىپسىزدىگى مەن ساپاسىن راستايدى.
– اسەپتدەزين ساۋدا ماركاسىمەن انتيسەپتيك جۇقپالى اۋرۋلاردىڭ الدىن الۋ ءۇشىن قولدى تازارتۋعا ارنالعان جانە بارلىق سانيتارلىق جانە ساپالىق ستاندارتتارعا سايكەس كەلەدى. انتيسەپتيك قۇرامىندا الكوگول، سۋتەگى اسقىن توتىعى جانە تەرىنى جۇمسارتاتىن ينگرەديەنتتەر بار. وتكەن تاۋلىكتە كوكشەتاۋ مينەرالدى سۋلارىنىڭ نەگىزىندە 80 مىڭ ليتر انتيسەپتيكتەر شىعارىلدى. جالپى، 15 ساۋىرگە دەيىن 600 مىڭ ليتر انتيسەپتيك شىعارۋ جوسپارلانعان. وسى ماقساتتا نەمىس ءوندىرۋشىسى Krones ءوندىرىسىنىڭ جەلىسى ارنايى جوندەۋدەن ءوتتى. ءوندىرىس كولەمى نارىقتىڭ قاجەتتىلىگى مەن شيكىزاتتىڭ جەتكىزىلۋىنە بايلانىستى، ءبىراق وندىرىستىك قۋاتتىلىق كوبىرەك مۇمكىندىك بەرەدى، – دەيدى KMW ديرەكتورى ستانيسلاۆ ماكسيمەس:
Asia Waters وسىنداي انتيسەپتيكتى قوستاناي قالاسىنداعى سپيرت زاۋىتىندا دا شىعارادى. قازىرگى ۋاقىتتا كومپانيا مەديسينالىق مەكەمەلەر مەن مەملەكەتتىك ۇيىمداردان تاپسىرىس قابىلداپ جاتىر. جاقىندا ەلدەگى دۇكەندەردە جاڭا انتيسەپتيك پايدا بولادى. ۇسىنىلعان باعا 0،5 ليتر ءۇشىن 1730 تەڭگە، 1 ليتر ءۇشىن 2640 تەڭگە، 5 ليتر ءۇشىن 11 880 تەڭگە بولادى.
