Elena Bahmýtova "Damý" qorynyń direktorlar keńesinen ketti

Qazaqstan qarjygerler qaýymdastyǵy keńesiniń tóraiymy Elena Bahmýtova "Damý" qorynyń direktorlar keńesi quramyndaǵy qyzmetin aiaqtady, dep habarlaidy Dalanews.kz.

Qarjy sektorynda jáne memlekettik basqarý organdarynda mol tájiribesi bar Elena Bahmýtova alty jyldan astam ýaqyt boiy qordyń táýelsiz direktory bolyp, Aýdit jáne táýekelderdi basqarý komitetin basqardy.

Buǵan deiin "Damý" kásipkerlikti damytý qorynyń Direktorlar keńesine QR Premer-ministriniń orynbasary — Ulttyq ekonomika ministri Serik Jumanǵarin sailanǵan bolatyn. Ol munda Nurlan Baibazarovtyń ornyn basty.

Aita ketsek, "Damý" qorynyń Direktorlar keńesi alty adamnan turady:

1. Ulttyq ekonomika ministri Serik Jumanǵarin;
2. Raimbek Group iesi, "Atameken" UKP tóralqasynyń tóraǵasy Raiymbek Batalov;
3. "Báiterek" holdinginiń basshysy Rýstam Qaraǵoishin;
4. UBH tóraǵasynyń Jobalarmen jumys jáne aktivterdi basqarý jónindegi orynbasary Jandos Shaihy;
5. AHQO ákimshiliginiń táýelsiz direktory Ǵalym Qusaiynov;
6. "Damý" qorynyń Basqarma tóraǵasy Farhat Sársekeev.