قازاقستان قارجىگەرلەر قاۋىمداستىعى كەڭەسىنىڭ ءتورايىمى ەلەنا باحمۋتوۆا "دامۋ" قورىنىڭ ديرەكتورلار كەڭەسى قۇرامىنداعى قىزمەتىن اياقتادى، دەپ حابارلايدى Dalanews.kz.
قارجى سەكتورىندا جانە مەملەكەتتىك باسقارۋ ورگاندارىندا مول تاجىريبەسى بار ەلەنا باحمۋتوۆا التى جىلدان استام ۋاقىت بويى قوردىڭ تاۋەلسىز ديرەكتورى بولىپ، اۋديت جانە تاۋەكەلدەردى باسقارۋ كوميتەتىن باسقاردى.
بۇعان دەيىن "دامۋ" كاسىپكەرلىكتى دامىتۋ قورىنىڭ ديرەكتورلار كەڭەسىنە ق ر پرەمەر-ءمينيسترىنىڭ ورىنباسارى — ۇلتتىق ەكونوميكا ءمينيسترى سەرىك جۇمانعارين سايلانعان بولاتىن. ول مۇندا نۇرلان بايبازاروۆتىڭ ورنىن باستى.
ايتا كەتسەك، "دامۋ" قورىنىڭ ديرەكتورلار كەڭەسى التى ادامنان تۇرادى:
- ۇلتتىق ەكونوميكا ءمينيسترى سەرىك جۇمانعارين؛
- Raimbek Group يەسى، "اتامەكەن" ۇكپ ءتورالقاسىنىڭ ءتوراعاسى رايىمبەك باتالوۆ؛
- "بايتەرەك" حولدينگىنىڭ باسشىسى رۋستام قاراعويشين؛
- ۇبح ءتوراعاسىنىڭ جوبالارمەن جۇمىس جانە اكتيۆتەردى باسقارۋ جونىندەگى ورىنباسارى جاندوس شايحى؛
- احقو اكىمشىلىگىنىڭ تاۋەلسىز ديرەكتورى عالىم قۇسايىنوۆ؛
- "دامۋ" قورىنىڭ باسقارما ءتوراعاسى فارحات سارسەكەيەۆ.
