«Ońtústik Jaryq Tranzıt» mekemesiniń 2021 jylǵa josparlaǵan ınvestısıalyq baǵdarlamasy Keles aýdanynda qarqyndy júrip jatyr. Aýdan boıynsha Birtilek aýyldyq okrýginiń Keregetas, Orazata eldi mekenderi, sondaı-aq Abaı aýylyndaǵy Aral móltek aýdanyndaǵy eskirgen aǵash baǵanalary temirbeton baǵanalarymen almastyrylady. Sonymen qatar, kerneýi 0,4 kılovolttyq elektr symdary da jańarady.
Qazirgi tańda mekeme qyzmetkerleri uzyndyǵy boıynsha 4,3 shaqyrym jerge 132 elektr baǵanasyn jańartý jumystaryn júrgizýde. Jańartý jumystary aıaqtalǵan soń 125 úı sapaly elektr qýatymen qamtamasyz etiledi. Qyrkúıek aıynda Oraz ata aýyly kóshelerindegi eskirgen elektr baǵanalary jańasyna aýystyrylady.
