«وڭتۇستىك جارىق ترانزيت» مەكەمەسىنىڭ 2021 جىلعا جوسپارلاعان ينۆەستيسيالىق باعدارلاماسى كەلەس اۋدانىندا قارقىندى ءجۇرىپ جاتىر. اۋدان بويىنشا بىرتىلەك اۋىلدىق وكرۋگىنىڭ كەرەگەتاس، ورازاتا ەلدى مەكەندەرى، سونداي-اق اباي اۋىلىنداعى ارال مولتەك اۋدانىنداعى ەسكىرگەن اعاش باعانالارى تەمىربەتون باعانالارىمەن الماستىرىلادى. سونىمەن قاتار، كەرنەۋى 0،4 كيلوۆولتتىق ەلەكتر سىمدارى دا جاڭارادى.
قازىرگى تاڭدا مەكەمە قىزمەتكەرلەرى ۇزىندىعى بويىنشا 4،3 شاقىرىم جەرگە 132 ەلەكتر باعاناسىن جاڭارتۋ جۇمىستارىن جۇرگىزۋدە. جاڭارتۋ جۇمىستارى اياقتالعان سوڭ 125 ءۇي ساپالى ەلەكتر قۋاتىمەن قامتاماسىز ەتىلەدى. قىركۇيەك ايىندا وراز اتا اۋىلى كوشەلەرىندەگى ەسكىرگەن ەلەكتر باعانالارى جاڭاسىنا اۋىستىرىلادى.
