Elektoraldyq proses – bul tek saılaý ótkizý ǵana emes, qoǵam men bılik arasyndaǵy ózara senim men jaýapkershilikti qalyptastyratyn kúrdeli saıası júıe. Ǵylymı turǵyda elektoraldyq proses — bılik resýrstaryn bólý maqsatynda saıası sýbektiler men elektorat arasyndaǵy normatıvti túrde rettelgen ózara árekettestik júıesi bolyp sanalady, dep habarlaıdy Dalanews.kz
Halyqaralyq tájirıbede election, electoral campaign, electoral system sekildi uǵymdar keńinen qoldanylady. Eger election — daýys berý men saılaýshylardyń tańdaý jasaý áreketterin sıpattasa, electoral campaign — úmitkerler men partıalardyń saılaý aldyndaǵy saıası belsendiligin bildiredi. Al electoral system uǵymy saılaý ınstıtýtynyń jumys isteý mehanızmderin, quqyqtyq jáne uıymdastyrýshylyq negizderin qamtıdy.
Elektoraldyq prosestiń negizgi elementterin atap kórsetsek: saılaý zańnamasy, daýys berý prosedýralary, daýystardy mandatqa aınaldyrý tásilderi, qatysýshylar arasyndaǵy komýnıkasıalyq baılanystar, qarjylyq jáne tehnologıalyq ınfraqurylym, sondaı-aq elektorattyń saıası-quqyqtyq mádenıeti.
Elektoraldyq prosestiń mańyzdy bóligi — elektoraldyq minez-qulyq, ıaǵnı azamattardyń saılaýdaǵy belsendiligi men tańdaý jasaýǵa degen kózqarasy. Bul qubylysqa áleýmettik, ekonomıkalyq, bilim deńgeıi men qundylyqtyq baǵdar sıaqty faktorlar áser etedi.
Qazaqstanda elektoraldyq mádenıetti damytý men saılaý prosesteriniń ashyqtyǵyn arttyrý baǵytynda birqatar mańyzdy qadamdar jasalyp keledi. 2024 jyly elimiz Táýelsiz Memleketter Dostastyǵynyń qatysýshy elderi arasyndaǵy Saılaý organdary basshylarynyń Konsýltatıvtik keńesine (KS RIO SNG) qosyldy. Al 2025 jyldyń qyrkúıeginen bastap bul keńeste tóraǵalyq etý quqyǵy Qazaqstanǵa ótti. Bul – elimizdiń saılaý júıesiniń halyqaralyq deńgeıde moıyndalýynyń aıǵaǵy.
Elektoraldyq prosesterdi jetildirý – «Ádiletti Qazaqstan» jáne «Adal azamat» sıaqty memlekettik reformalardyń ózegi bolyp tabylady. Bul baǵyttaǵy basty maqsat — árbir azamattyń daýysy estiletin, ár tańdaýy baǵalanatyn ádiletti qoǵam qurý.
