Áńgime bylai:
Janat Japaqova Almaty oblysynyń Talǵar aýdanyna qarasty Dáýlet aýylynyń №11 orta mektebinde matematika pániniń muǵalimi bolyp jumys istegen. Uzaq jyldyq tájiribesi, eńbek ótili bar bilikti ustaz eken.
Ótken shaqpen aityp otyrǵanymyzdyń astaryn túsingen shyǵarsyzdar, ol qazir jumyssyz.
Biyl 27-qańtarda ony mektep direktory ornyna basqa adam alyp, Janatty jumystan qýǵan. Keiipkerimiz «meni zańsyz, ádiletsiz túrde jumystan ketirdi» deidi.
Ádiletsiz dep otyrǵanyna birneshe túrli dálel de keltirdi.
Onyń sózine qaraǵanda, mektep direktory Baqyt Ilchibaeva (qazaqsha Elshibaeva bolýy múmkin) 2018 jyly mektepke konkýrs arqyly direktor bolyp kelipti. Ol da matematika pániniń muǵalimi eken.
Áýelde Japaqova men Ilchibaevanyń ara-qatynasy óte jaqsy bolǵan kórinedi. Keiin bulardyń arasynan ala mysyq júgirip ótken. Ustazdyń aitýynsha sý jańa direktorǵa áldebireýler sypsyń sóz tasyp, Japaqovany otyrsa opaq, tursa sopaq qylǵan.
[caption id="attachment_79993" align="aligncenter" width="837"]
Ustazdyń sózinshe, direktory Janat Japaqovanyń artyna adam salyp, sabaǵyn sýretke túsirip, ata-analardy qarsy qoiyp, ábden yǵyryn shyǵarady. Sóitip, 2019 jyldyń qarasha aiynda direktor hanym óziniń qaramaǵyndaǵy muǵalimdi sotqa beredi.
Sot segiz aiǵa sozylǵan. Sotta Japaqova Ilchibaevanyń artynan eshqandai sóz aitpaǵany dáleldenip, segiz ailyq sergeldeńnen Janat hanym jeńip shyǵady. Biraq bul jeńis mektep direktorynyń qityǵyna qatty tigen.
Ol odan saiyn qysym kórsetip, biyl qańtardyń 27-kúni Janatty jumysynan bosatady.
Jábirlenýshiniń aitýynsha, Ilchibaeva ony jumystan ketirý úshin synyqtan syltaý izdegen. Sóitip, kundelik.kz elektrondy portalynan kemshilik tapqan.
Janat hanym portaldy 1 kún toltyrmai qalǵan kórinedi. Aiyby sol. Al direktor hanymnyń portaldaǵy belsendigi sol kezde 50 paiyz ǵana bolǵan. Japaqova bolsa 98 paiyz belsendilikpen qyzmetinen qýylyp otyr.
"Bul aldyn ala oilastyrylǵan, josparlanǵan sharýaǵa qatty uqsaidy", – deidi ustaz.
Onyń aitýynsha, mektep direktory Janat Japaqova jumystan ketpei turyp, iaǵni 11-qańtar kúni enbek.kz saityna «Matematika pániniń muǵalimi kerek» degen habarlandyrý bergen. Japaqova jumystan ketpei jatyp, naqty aitqanda 26-qańtar kúni basqa adamdy jumysqa alyp qoiǵan. Ol kezde mektep onlain formatynda jumys istegen.
"Ilchibaevanyń bilim portalyn ýaqytynda toltyrmady degen ýájiniń ózi qisynsyz kórinbei me? Basqa aimaqty qaidam, Talǵar aýdanynda internet jelisiniń nasharlyǵyn eskersek, portaldy 1 kún toltyrmai qalýym – jumystan qýýǵa tolyq negiz bola almaidy", – deidi redaktsiiamyzǵa aryndanǵan ustaz.
Jumystan qýylǵan muǵalim mektep direktorynyń bul áreketin qyzmetin asyra paidalaný dep túsinetinin jetkizdi.
Jumystan ketkennen keiin Janat Japaqova Talǵar aýdandyq sotyna shaǵym túsirgen.
J.Japaqova:
«Talǵar aýdandyq sottyń sýdiasy Sársenbaevqa kórsetken dálelderimniń eshqaisysy eskerilmedi dep oilaimyn. Men sýdianyń sheshimimen kelispeimin. Sotqa shaqyrǵan kýágerlerim de belgisiz sebeptermen tyńdalmady. Birneshe aýdio jazbalarym de esh sebepsiz sotta paidalanylmady. Ádiletsiz sheshim shyǵaryldy dep esepteimin.
Sondyqtan Almaty oblystyq sotyna apelliatsiialyq shaǵym túsirdim. Sot 23-tamyzǵa belgilenip otyr.
Men ádildik úshin Prezidentke úndeý jariialadym. Ashat Aimaǵambetovke de janaiqaiymdy aityp, videoúndeý joldadym. Barmaǵan jerim qalmady. Mektep direktory Ilchibaeva Baqyt Sotsialqyzy elbasynyń qudashasy, iaǵni Qairat Boranbaevtyń qaryndasy. Al men alty aidan beri jumyssyzbyn...» dep, baspasóz arqyly ádildik surap otyr.
Iá, áńgime basynda keltirgenimizdei, mektep direktory ózin Nursultan Nazarbaevtyń qudashasy, Qairat Boranbaevtyń týysqan qaryndasy ekenin aitqanbyz. Ol bul sózin nege.kz portalyna bergen suhbatynda aitypty.
Jaras ShÓKE
Dalanews.kz redaktsiiasy qarsy taraptyń pikirin jariialýǵa ázir ekenin habarlaidy.
https://dalanews.kz/sadak/79996-timurdyng-adamy-bolat-abilov-bas-prok
