Qasym-Jomart Toqaev COP17 aiasyndaǵy Bioalýantúrlilik boiynsha kóshbasshylar sammitinde sóz sóiledi, dep habarlaidy dalanews.kz.
Prezidenttiń pikirinshe, Kaspii teńiziniń biregei bioalýantúrliligin qorǵaý qajet.
"Taiaýda Túrikmenstanda ótken alǵashqy Kaspii ekologiia sammitinde shuǵyl ári úilesimdi sharalar qabyldaýǵa shaqyrdym. Bul názik ekojúiege orny tolmas ziian keltiretin jaǵdailardyń aldyn alý úshin qajet. Ásirese, Kaspii itbalyǵynyń joiylý qaýpi erekshe alańdatady. Sońǵy ǵasyrda Kaspii itbalyǵynyń sany 1 millionnan 270 myńǵa deiin azaiǵan", - dedi Memleket basshysy.
Qazaqstanda Kaspii itbalyǵy sirek kezdesetin jáne joiylý qaýpi bar túrlerdiń qataryna resmi túrde engen.
"Teńiz mańyndaǵy bes memleket pen halyqaralyq qoǵamdastyqty osy túrdi saqtap qalý jolynda kúsh jumyldyrýǵa shaqyramyn. Aral qasireti tabiǵi resýrstardy jaýapsyz paidalanýdyń saldary tym aýyr bolatynyn eske salady. Kaspii teńiziniń Aral taǵdyryn qaitalaýyna jol bermeýimiz qajet", – dedi Qasym-Jomart Toqaev.
