Elbasy «EKSPO» kórmesin ashyq dep jariialady
«Qymbatty qazaqstandyqtar, qurmetti qonaqtar, hanymdar men myrzalar! Qonaqjai Qazaqstannyń elordasy ásem Astanaǵa qosh keldińizder! Búgin bizdiń elimizde ǵana emes, dúniejúzilik kórmeler tarihynda aitýly kún. Qazir kópten kútken halyqaralyq «EKSPO-2017» kórmesiniń shymyldyǵy ashyldy. Osy saltanatty merekemen barshańyzdy shyn júrekten quttyqtaimyn. Biz EKSPO kórmesin TMD jáne Shyǵys Eýropa elderi arasynda tuńǵysh ret ótkizgeli otyrmyz. Sóitip Qazaq eliniń ordasy aitýly kórmeni ótkizgen álemdegi 35 qalanyń qataryna qosyldy. Astana úsh ai boiy búkil adamzattyń jetistikterin áigili etetin basty alańǵa ainalady», - dedi Prezident.
Elbasy Astana EKSPO kórmesiniń arqasynda álemge jańa qyrynan tanylatynyn aitty.
«Táýelsiz Qazaqstannyń simvoly Astana naǵyz 21 ǵasyr qalasy retinde jańa qyrynan tanylatyn bolady. Kórmege álemniń 115 memleket 22 halyqaralyq uiym qatysady. Men olardyń barlyǵyna halqymyzdyń atynan rizashylyǵymdy bildirip, sáttilik tileimiin. Halyqaralyq kórmeler biýrosynyń prezidenti Stiven Kristien myrza uiymnyń bas hatshysy Visente Losertales myrzaǵa alǵys aitamyn. «EKSPO» kórmesin ashyq dep jariialaimyn. Uly dalanyń tórine qosh keldińizder», - dedi Elbasy.
