«قىمباتتى قازاقستاندىقتار، قۇرمەتتى قوناقتار، حانىمدار مەن مىرزالار! قوناقجاي قازاقستاننىڭ ەلورداسى اسەم استاناعا قوش كەلدىڭىزدەر! بۇگىن ءبىزدىڭ ەلىمىزدە عانا ەمەس، دۇنيەجۇزىلىك كورمەلەر تاريحىندا ايتۋلى كۇن. ءقازىر كوپتەن كۇتكەن حالىقارالىق «ەكسپو-2017» كورمەسىنىڭ شىمىلدىعى اشىلدى. وسى سالتاناتتى مەرەكەمەن بارشاڭىزدى شىن جۇرەكتەن قۇتتىقتايمىن. ءبىز ەكسپو كورمەسىن تمد جانە شىعىس ەۋروپا ەلدەرى اراسىندا تۇڭعىش رەت وتكىزگەلى وتىرمىز. ءسويتىپ قازاق ەلىنىڭ ورداسى ايتۋلى كورمەنى وتكىزگەن الەمدەگى 35 قالانىڭ قاتارىنا قوسىلدى. استانا ءۇش اي بويى بۇكىل ادامزاتتىڭ جەتىستىكتەرىن ايگىلى ەتەتىن باستى الاڭعا اينالادى»، - دەدى پرەزيدەنت.
ەلباسى استانا ەكسپو كورمەسىنىڭ ارقاسىندا الەمگە جاڭا قىرىنان تانىلاتىنىن ايتتى.
«تاۋەلسىز قازاقستاننىڭ سيمۆولى استانا ناعىز 21 عاسىر قالاسى رەتىندە جاڭا قىرىنان تانىلاتىن بولادى. كورمەگە الەمنىڭ 115 مەملەكەت 22 حالىقارالىق ۇيىم قاتىسادى. مەن ولاردىڭ بارلىعىنا حالقىمىزدىڭ اتىنان ريزاشىلىعىمدى ءبىلدىرىپ، ساتتىلىك تىلەيميىن. حالىقارالىق كورمەلەر بيۋروسىنىڭ پرەزيدەنتى ستيۆەن كريستيەن مىرزا ۇيىمنىڭ باس حاتشىسى ۆيسەنتە لوسەرتالەس مىرزاعا العىس ايتامىن. «ەكسپو» كورمەسىن اشىق دەپ جاريالايمىن. ۇلى دالانىڭ تورىنە قوش كەلدىڭىزدەر»، - دەدى ەلباسى.
