Onyń aitýynsha mamandar saitta búgin keshke deiin ázirlep, erteń 2-shi sáýirde iske qosady.
"Jasyrary joq 42 500 teńgeni alý boiynsha turǵyndardan kóptegen saýal kelip jatyr. Kópshilik Egov.kz portalyna kire almai qinalýda. Osy sebepti áleýmettik tólemdi alýǵa bolatyn arnaiy saitty iske qosamyz. Azamattar osy sait arqyly ótinish bere alady. Elektrondy ótinishke tek qana ózińiz týraly málimetti, jeke nómirińiz ben kartochkalyq esepshotyńyzdy engizesiz.
Al qol qoiý rásimi burynǵydai ETsQ emes, SMS arqyly júzege asady. Azamattyń uialy telefonyna qupiia sóz joldanady", – dedi ministr Nurymbetov.
Budan bólek kompiýter nemese noýtbýgy joq azamattar úshin arnaiy Telegram-bot ta iske qosylady. 42 500 teńge kólemindegi áleýmettik tólemdi alǵysy keletin qazaqstandyqtar bul aradan da óz ótinishterin jibere alady.
Budan bólek ol Biryńǵai jiyntyq tólemge aýdarym jasamaǵan azamattar 42,5 myń teńgeni qalai alatynyn aityp berdi.
«42,5 myń teńge áleýmettik tólemdi alýda mynadai kópshilikke ótinishimiz bar: Birinshiden málimetińizdi durys toltyrý kerek. Ózińizdiń esepshotyńyzdy durys kórsetip, JSN nómirin durys belgileý kerek. Ekinshiden sońǵy eki aida bolsyn saqtandyrý qoryna aýdarylǵan áleýmettik tólem bolýy tiis.
Sebebi bul tólem bir kassadan tólenip jatqan joq. Memlekettik saqtandyrý qorynan aýdarylyp jatyr. Biraq osyndai áleýmettik tólemderi múlde joq azamattar da bar. Iaǵni beiresmi jumys istep júrgenderdiń eńbek sharttary joq, olar salyq tólemegen.
Sondyqtan beiresmi jumys istep júrgen azamattarǵa Prezident rásimdelý ǵana jetkilikti ekenin aitty. Rásimdelý degen ne? Ol úshin Biryńǵai jiyntyq tólemdi bir mezgil tóleseńiz jetkilikti. Ol soma qala turǵyndary úshin 2651 teńge, aýyl turǵyndary úshin 1325 teńge. Osyny bir tóleseńizder 42500 teńgeni ai saiyn alatyn bolasyzdar», – dedi Birjan Nurymbetov OKQ-da ótken baspasóz máslihatynda.Aita ketelik budan buryn prezident Toqaev 42 500 teńge kólemindegi áleýmettik kómek alýǵa tiisti azamattardyń aýqymyn keńeitý týraly tapsyrma bergen.
