ونىڭ ايتۋىنشا ماماندار سايتتا بۇگىن كەشكە دەيىن ازىرلەپ، ەرتەڭ 2ء-شى ساۋىردە ىسكە قوسادى.
"جاسىرارى جوق 42 500 تەڭگەنى الۋ بويىنشا تۇرعىنداردان كوپتەگەن ساۋال كەلىپ جاتىر. كوپشىلىك Egov.kz پورتالىنا كىرە الماي قينالۋدا. وسى سەبەپتى الەۋمەتتىك تولەمدى الۋعا بولاتىن ارنايى سايتتى ىسكە قوسامىز. ازاماتتار وسى سايت ارقىلى ءوتىنىش بەرە الادى. ەلەكتروندى وتىنىشكە تەك قانا ءوزىڭىز تۋرالى مالىمەتتى، جەكە ءنومىرىڭىز بەن كارتوچكالىق ەسەپشوتىڭىزدى ەنگىزەسىز.
ال قول قويۋ ءراسىمى بۇرىنعىداي ەسق ەمەس، SMS ارقىلى جۇزەگە اسادى. ازاماتتىڭ ۇيالى تەلەفونىنا قۇپيا ءسوز جولدانادى"، – دەدى مينيستر نۇرىمبەتوۆ.
بۇدان بولەك كومپيۋتەر نەمەسە نوۋتبۋگى جوق ازاماتتار ءۇشىن ارنايى Telegram-بوت تا ىسكە قوسىلادى. 42 500 تەڭگە كولەمىندەگى الەۋمەتتىك تولەمدى العىسى كەلەتىن قازاقستاندىقتار بۇل ارادان دا ءوز وتىنىشتەرىن جىبەرە الادى.
بۇدان بولەك ول ءبىرىڭعاي جيىنتىق تولەمگە اۋدارىم جاساماعان ازاماتتار 42،5 مىڭ تەڭگەنى قالاي الاتىنىن ايتىپ بەردى.
«42،5 مىڭ تەڭگە الەۋمەتتىك تولەمدى الۋدا مىناداي كوپشىلىككە ءوتىنىشىمىز بار: بىرىنشىدەن مالىمەتىڭىزدى دۇرىس تولتىرۋ كەرەك. ءوزىڭىزدىڭ ەسەپشوتىڭىزدى دۇرىس كورسەتىپ، جسن ءنومىرىن دۇرىس بەلگىلەۋ كەرەك. ەكىنشىدەن سوڭعى ەكى ايدا بولسىن ساقتاندىرۋ قورىنا اۋدارىلعان الەۋمەتتىك تولەم بولۋى ءتيىس.
سەبەبى بۇل تولەم ءبىر كاسسادان تولەنىپ جاتقان جوق. مەملەكەتتىك ساقتاندىرۋ قورىنان اۋدارىلىپ جاتىر. ءبىراق وسىنداي الەۋمەتتىك تولەمدەرى مۇلدە جوق ازاماتتار دا بار. ياعني بەيرەسمي جۇمىس ىستەپ جۇرگەندەردىڭ ەڭبەك شارتتارى جوق، ولار سالىق تولەمەگەن.
سوندىقتان بەيرەسمي جۇمىس ىستەپ جۇرگەن ازاماتتارعا پرەزيدەنت راسىمدەلۋ عانا جەتكىلىكتى ەكەنىن ايتتى. راسىمدەلۋ دەگەن نە؟ ول ءۇشىن ءبىرىڭعاي جيىنتىق تولەمدى ءبىر مەزگىل تولەسەڭىز جەتكىلىكتى. ول سوما قالا تۇرعىندارى ءۇشىن 2651 تەڭگە، اۋىل تۇرعىندارى ءۇشىن 1325 تەڭگە. وسىنى ءبىر تولەسەڭىزدەر 42500 تەڭگەنى اي سايىن الاتىن بولاسىزدار»، – دەدى ءبىرجان نۇرىمبەتوۆ وكق-دا وتكەن باسپا ءسوز ءماسليحاتىندا.ايتا كەتەلىك بۇدان بۇرىن پرەزيدەنت توقايەۆ 42 500 تەڭگە كولەمىندەگى الەۋمەتتىك كومەك الۋعا ءتيىستى ازاماتتاردىڭ اۋقىمىن كەڭەيتۋ تۋرالى تاپسىرما بەرگەن.
