Astanada ákimdik aýmaǵyndaǵy alańnan Nursultan Nazarbaevtyń sýretteri bar stendter alyp tastaldy, - dep habarlaidy Dalanews.kz Tengrinews.kz-ke siltep.
Buryn bul jerde eks-prezidenttiń ártúrli jyldaǵy sýretteri bar stendter turǵan edi. Jýyrda turǵyndar sýret alańnan joǵalyp ketkenin baiqaǵan.
Saryarqa aýdany ákimdiginiń baspasóz qyzmeti málimetinshe, Kerei, Jánibek handar alańynda abattandyrý jáne elorda turǵyndary men qonaqtarynyń jailylyǵyn arttyrý úshin josparly jóndeý-qalpyna keltirý jumystary bastalǵan.
"Jóndeý jumystary aiasynda plakattary bar qurylymdar bólshekteledi. Onyń ornyna kópjyldyq gúlzarlar paida bolady, bul aýmaqtyń ekologiiasy men estetikasyn jaqsartýǵa yqpal etedi. Sondai-aq, jobada qosymsha jaryqtandyrý tirekterin ornatý, kóshe jihazdaryn jańartý jáne úilesimdi landshaft dizainyn jasaý kózdelgen", - dedi ákimdik ókili Tengrinews.kz saýalyna
