استانادا اكىمدىك اۋماعىنداعى الاڭنان نۇرسۇلتان نازاربايەۆتىڭ سۋرەتتەرى بار ستەندتەر الىپ تاستالدى، - دەپ حابارلايدى Dalanews.kz Tengrinews.kz-كە سىلتەپ.
بۇرىن بۇل جەردە ەكس-پرەزيدەنتتىڭ ءارتۇرلى جىلداعى سۋرەتتەرى بار ستەندتەر تۇرعان ەدى. جۋىردا تۇرعىندار سۋرەت الاڭنان جوعالىپ كەتكەنىن بايقاعان.
سارىارقا اۋدانى اكىمدىگىنىڭ باسپا ءسوز قىزمەتى مالىمەتىنشە، كەرەي، جانىبەك حاندار الاڭىندا اباتتاندىرۋ جانە ەلوردا تۇرعىندارى مەن قوناقتارىنىڭ جايلىلىعىن ارتتىرۋ ءۇشىن جوسپارلى جوندەۋ-قالپىنا كەلتىرۋ جۇمىستارى باستالعان.
"جوندەۋ جۇمىستارى اياسىندا پلاكاتتارى بار قۇرىلىمدار بولشەكتەلەدى. ونىڭ ورنىنا كوپجىلدىق گۇلزارلار پايدا بولادى، بۇل اۋماقتىڭ ەكولوگياسى مەن ەستەتيكاسىن جاقسارتۋعا ىقپال ەتەدى. سونداي-اق، جوبادا قوسىمشا جارىقتاندىرۋ تىرەكتەرىن ورناتۋ، كوشە جيھازدارىن جاڭارتۋ جانە ۇيلەسىمدى لاندشافت ديزاينىن جاساۋ كوزدەلگەن"، - دەدى اكىمدىك وكىلى Tengrinews.kz ساۋالىنا
