Eks-qorǵanys ministri Rýslan Jaqsylyqovtyń ustalǵany týraly jariialanymdardan keiin jalǵan aqparat taratý faktisi boiynsha tergeý bastaldy, dep habarlaidy Dalanews.kz.
Quqyq qorǵaý jáne qadaǵalaýshy organdar burynǵy ministrge qatysty sotqa deiingi tergep-tekserýdiń bastalǵanyn rastaǵan joq – buǵan deiin BAQ-ta onyń ustalǵany týraly aqparat taraǵan bolatyn.
Politsiia burynǵy qorǵanys ministri Rýslan Jaqsylyqovtyń ustalǵany týraly aqparattyń internette, sonyń ishinde BAQ-ta taralýynan keiin tergeý júrgize bastady. Bul týraly BES.media-nyń resmi suraýyna jaýapta aitylǵan. Suraý burynǵy ministrdiń qylmystyq iske qatysy bar-joǵyn naqtylaý maqsatynda joldanǵan. Aita ketý kerek, redaktsiia quqyq qorǵaý organdarynyń aqparattyń shynaiylyǵyn tekserýi máselesin qozǵamaǵan.
«Suraýda kórsetilgen tulǵanyń ustalǵany týraly buqaralyq aqparat quraldarynda kórineý jalǵan aqparat taratý faktisi boiynsha Astana qalasy politsiia departamenti Qylmystyq kodekstiń 274-baby 2-bóligi – “Buqaralyq aqparat quraldary nemese telekommýnikatsiialar jelileri arqyly kórineý jalǵan aqparat taratý” baby boiynsha sotqa deiingi tergep-tekserý júrgizip jatyr», – dep habarlady IIM.
IIM-men qatar BES.media-nyń suraýyna UQK, Bas áskeri prokýratýra, Sybailas jemqorlyqqa qarsy qyzmet te jaýap berdi. Bul organdar Rýslan Jaqsylyqovqa qatysty tergeý júrgizilip jatqanyn rastamady, al Bas prokýratýra suraýdy IIM-ge joldap, joǵaryda keltirilgen jaýapty usyndy.
Buǵan deiin birqatar BAQ-ta eks-ministr Rýslan Jaqsylyqov qamaýǵa alynǵany týraly aqparat taraǵan bolatyn. Eń áýeli Ulysmedia jáne Elmedia portaldary óz derekkózderine súienip, Rýslan Jaqsylyqov qamaýǵa alynǵanyn habarlady.
Alaida resmi organdar bul aqparatty resmi rastamady.
Keiin Jaqsylyqovtyń qamaýda emes, óz úiinde otyrǵany anyqtaldy.
Tengrinews.kz tilshisimen telefon arqyly sóilesken ol qazir Astanadaǵy úiinde ekenin jáne otbasy múshelerimen birge túski as ishýge daiyndalyp jatqanyn aitty.
"Bul shyndyqqa janaspaidy", – dep atap ótti Jaqsylyqov.
Sonymen qatar, ol jalǵan aqparat taratqandardy sotqa beretinin jetkizdi.
