QMA Astana qalasy boiynsha departamenti asa iri kólemdegi alaiaqtyq faktisi boiynsha birneshe qurylys kompaniiasynyń basshysy Móldir Sýiýnshalige qatysty tergep-tekserý júrgizip jatyr, dep habarlaidy Dalanews.kz.
Tergeý amaldaryna sai, 2021–2024 jyldar aralyǵynda Móldir Sýiýnshali «Nura Elite» kottedj qalashyǵyn salý syltaýymen azamattardan qarajat tartqan.
Joba aiasynda 37 kottedj jáne 24 taýnhaýs salý kózdelgen. Alaida búgingi kúni taýnhaýstar tolyq aiaqtalmaǵan (tek qańqalary ǵana tur), 2023 jyldyń 4-toqsanyna deiin aiaqtaý jónindegi mindettemeler oryndalmaǵan.
Satyp alýshylarmen aldyn alasatyp alý-satý sharttary jasalǵan.
Nátijesinde 56 adam jábirlenýshi retinde tanylyp, tartylǵan qarajattyń jalpy somasy 3,9 mlrd teńgeni quraǵan.
Onyń ishinde 322 mlnteńge Móldir Sýiýnshali, jubaiynyń jáne anasynyń esepshottaryna aýdarylǵan, sondai-aq 145 mln teńge qolma-qol aqshaǵa ainaldyrylǵan.
Sondai-aq bir jyljymaityn múlikti birneshe ret satý faktisi anyqtalǵan.
Máselen, jábirlenýshi tolyq tólegen kottedjdiń biri kúdikti tarapynan jeke mindettemeleri boiynsha kepilge qoiylyp, keiin úshinshi tulǵalardyń atyna rásimdelip, birneshe ret qaita satylǵan.
Sýiýnshali Móldir satypalýshylarmen is júzinde jer ýchaskelerine quqyq berýdi kózdeitin sharttar jasasqan, alaida olardy ielikten shyǵarýǵa zańdy quqyǵy bolmaǵan.
Úleskerlerdiń qarajatynyń bir bóligi Astana qalasynda «Asylhan» turǵyn úi keshenin salýǵa arnalǵan jertelimin satyp alýǵa jumsalǵan.Sonymen qatar, qurylysqa qajetti ruqsat qujattary bolmaǵanyna qaramastan, ol Perizat Qairattyń «Biz birgemiz» qaiyrymdylyq qory arqyly buqaralyq aqparat quraldarynda muqtaj áielge páter beriletini týraly málimdegen. Alaida is júzinde turǵyn úikesheniniń qurylysy bastalmaǵan.
Sottyń sanktsiiasymen oǵan úi qamaq túrindegi bultartpaý sharasy qoldanyldy.
Tergeý jalǵasyp jatyr. Qazaqstan Respýblikasynyń Qylmystyq-protsestik kodeksiniń 201-babyna sáikes ózge aqparat jariialaýǵa jatpaidy.
