Qoǵamdaǵy eń rezonansty qylmystyq isterdi tergeý qashan aıaqtalatyny belgili boldy, dep habarlaıdy Dalanews.kz.
İshki ister mınıstriniń orynbasary Sanjar Ádilov Nuraı Serikbaıdyń ólimine qatysty tergeý aıaqtalýǵa jaqyn qalǵanyn málimdedi. Onyń aıtýynsha, qylmystyq is aıasynda sot-psıhıatrıalyq saraptama júrgizilip, qorytyndysy daıyn bolǵan.
"Saraptama nátıjesine sáıkes kúdikti zań aldynda esi durys adam retinde jaýap beredi", - dedi Sanjar Ádilov.
Sonymen qatar, İİM ókili ál-Farabı dańǵylynda bolǵan jol apaty boıynsha tergeý aıaqtalýǵa jaqyn qalǵanyn aıtty.
Onyń sózinshe, is aıasynda negizgi saraptamalar aıaqtalyp, tergeý sońǵy kezeńge ótken.
"Tergeýdi aldaǵy eki apta ishinde aıaqtaýdy josparlap otyrmyz. Qorytyndysy keıin qosymsha jarıalanady", - dedi Sanjar Ádilov.
