ەكس-قورعانىس مينيسترٸ رۋسلان جاقسىلىقوۆتىڭ ۇستالعانى تۋرالى جارييالانىمداردان كەيٸن جالعان اقپارات تاراتۋ فاكتٸسٸ بويىنشا تەرگەۋ باستالدى, دەپ حابارلايدى Dalanews.kz.
قۇقىق قورعاۋ جەنە قاداعالاۋشى ورگاندار بۇرىنعى مينيسترگە قاتىستى سوتقا دەيٸنگٸ تەرگەپ-تەكسەرۋدٸڭ باستالعانىن راستاعان جوق – بۇعان دەيٸن باق-تا ونىڭ ۇستالعانى تۋرالى اقپارات تاراعان بولاتىن.
پوليتسييا بۇرىنعى قورعانىس مينيسترٸ رۋسلان جاقسىلىقوۆتىڭ ۇستالعانى تۋرالى اقپاراتتىڭ ينتەرنەتتە, سونىڭ ٸشٸندە باق-تا تارالۋىنان كەيٸن تەرگەۋ جٷرگٸزە باستادى. بۇل تۋرالى BES.media-نىڭ رەسمي سۇراۋىنا جاۋاپتا ايتىلعان. سۇراۋ بۇرىنعى مينيستردٸڭ قىلمىستىق ٸسكە قاتىسى بار-جوعىن ناقتىلاۋ ماقساتىندا جولدانعان. ايتا كەتۋ كەرەك, رەداكتسييا قۇقىق قورعاۋ ورگاندارىنىڭ اقپاراتتىڭ شىنايىلىعىن تەكسەرۋٸ مەسەلەسٸن قوزعاماعان.
«سۇراۋدا كٶرسەتٸلگەن تۇلعانىڭ ۇستالعانى تۋرالى بۇقارالىق اقپارات قۇرالدارىندا كٶرٸنەۋ جالعان اقپارات تاراتۋ فاكتٸسٸ بويىنشا استانا قالاسى پوليتسييا دەپارتامەنتٸ قىلمىستىق كودەكستٸڭ 274-بابى 2-بٶلٸگٸ – “بۇقارالىق اقپارات قۇرالدارى نەمەسە تەلەكوممۋنيكاتسييالار جەلٸلەرٸ ارقىلى كٶرٸنەۋ جالعان اقپارات تاراتۋ” بابى بويىنشا سوتقا دەيٸنگٸ تەرگەپ-تەكسەرۋ جٷرگٸزٸپ جاتىر», – دەپ حابارلادى ٸٸم.
ٸٸم-مەن قاتار BES.media-نىڭ سۇراۋىنا ۇقك, باس ەسكەري پروكۋراتۋرا, سىبايلاس جەمقورلىققا قارسى قىزمەت تە جاۋاپ بەردٸ. بۇل ورگاندار رۋسلان جاقسىلىقوۆقا قاتىستى تەرگەۋ جٷرگٸزٸلٸپ جاتقانىن راستامادى, ال باس پروكۋراتۋرا سۇراۋدى ٸٸم-گە جولداپ, جوعارىدا كەلتٸرٸلگەن جاۋاپتى ۇسىندى.
بۇعان دەيٸن بٸرقاتار باق-تا ەكس-مينيستر رۋسلان جاقسىلىقوۆ قاماۋعا الىنعانى تۋرالى اقپارات تاراعان بولاتىن. ەڭ ەۋەلٸ ۇلىسمەديا جەنە Elmedia پورتالدارى ٶز دەرەككٶزدەرٸنە سٷيەنٸپ, رۋسلان جاقسىلىقوۆ قاماۋعا الىنعانىن حابارلادى.
الايدا رەسمي ورگاندار بۇل اقپاراتتى رەسمي راستامادى.
كەيٸن جاقسىلىقوۆتىڭ قاماۋدا ەمەس, ٶز ٷيٸندە وتىرعانى انىقتالدى.
Tengrinews.kz تٸلشٸسٸمەن تەلەفون ارقىلى سٶيلەسكەن ول قازٸر استاناداعى ٷيٸندە ەكەنٸن جەنە وتباسى مٷشەلەرٸمەن بٸرگە تٷسكٸ اس ٸشۋگە دايىندالىپ جاتقانىن ايتتى.
"بۇل شىندىققا جاناسپايدى", – دەپ اتاپ ٶتتٸ جاقسىلىقوۆ.
سونىمەن قاتار, ول جالعان اقپارات تاراتقانداردى سوتقا بەرەتٸنٸن جەتكٸزدٸ.
