Altynnyń bir ýntsiiasynyń quny 3 394 dollar bolyp, tarihi joǵary shekti igerdi. Osylaisha 2020 jyldyń basynan bastap qymbat metaldyń quny eki esege ósti, iaǵni ósim kórsetkishi - 100%-dan astam, dep habarlaidy Dalanews.kz.
Mundai jaǵdai buryn-sońdy bolmaǵan. Bul rette ekonomist Rýslan Sultanov Tengenomika Telegram arnasynda mysalǵa S&P 500 qor naryǵy ósiminiń kórsetkishin mysalǵa keltiredi.
Iaǵni, osy kezeń aralyǵynda S&P 500 indeksi 86%-ǵa ósken eken.
Myna diagrammadan 2024 jyldyń kókteminen bastap kúrt ósim qalai bastalǵanyn, jyldyń sońynda qalai údegenin kórýge bolady, ásirese ortalyq bankterdiń suranysy men geosaiasi turaqsyzdyq jaǵdaiynda.
"Qytaidyń rekordtyq satyp alýlary men monetarlyq saiasatty jumsartý turǵysyndaǵy jahandyq kútýler aiasynda altyn qorǵanys aktivi retindegi rólin taǵy da nyǵyrlai tústi. Altyn baǵasynyń tarihi ósimi jáne onyń qor naryǵyn basyp ozýy jahandyq investitsiialyq tańdaý uzaqqa jasalyp otyrǵanyn kórsetedi. Ortalyq bankter, institýtsionaldar jáne jeke investorlar úshin endi altyn jai ǵana "pana" bolýyn doǵardy, bul dollar júiesine degen senimsizdiktiń zákirine ainaldy", dep jazady ekonomist Rýslan Sultanov.
Aita ketsek, Qazaqstanda altyn quimasyn tek 2017 jyldan bastap jeke tulǵalardyń satyp alýyna ruqsat berilgen. Onyń mólsheri 5 gramm, 10 gramm, 20 gramm, 50 gramm, 100 gramm bolyp keledi. Munyń ishinde halyq arasynda jii suranysqa iesi 10 gramdyǵy. Sondyqtan bankter osy salmaq ólshemindegi altyn quimasynyń baǵasyn kúndelikti jańartyp, kórsetip otyrady. Aitqandai, altyn quimasyn kez kelgen bankke satýǵa ruqsat berilmegen. Mundai senimge, ázirge tórt bank ie. Onyń ishinde, máselen halyq nesie alýda kóp júginetin Kaspii bank joq.
10 gramm altyn quimasynyń satý jáne satyp alý quny, 21.04.2025
QR Ulttyq banktiń 21 sáýirde bekitken 1 gramm altyn quny - 55 780,85 teńge.
| Ekinshi deńgeidegi bankter | Satyp alý, 1 gr.altyn/tg | Satyp alý, 10 gr. altyn quimasy/tg | Satý, 1 gr.altyn/tg | Satý, 10 gr. altyn quimasy/tg |
| Eýraziialyq bank | 55 565,00 | 555 650 | 57 551,00 | 575 510 |
| BankTsentrkredit | 54 671,20 | 546 712 | 58 018,40 | 580 184 |
| Jýsan bank | 52 836,60 | 528 366 | 59 192,40 | 591 924 |
| Halyq bank | 54 553,22 | 545 532,2 | 61 495,23 | 614 952,3 |
Aita ketsek, Goldman Sachs altyn ýntsiiasynyń quny 4500 dollarǵa deiin qymbattaitynyn bajailap, boljam jariialaǵan bolatyn. Keibir sarapshy mamandar jyl sońyna deiin bul baǵanyń 3600 dollardy quraitynyn boljaidy. 1 ýntsiiada shamamen 28 gramm altyn bar. Demek, Goldman Sachs boljamyna súiensek, 1 gramm altyn (999.9 quimasyndaǵy) 83 200 teńgege barýy yqtimal. Al jyl sońyna degen boljamdy baǵa sonda shamamen 67 myń teńge bolyp qalady.
Buǵan deiin saitymyzda "Bir barreli – 15$". HVQ jariialaǵan boljam munai óndirýshi elderdi ornynan qozǵap jiberdi" degen maqala jariialanǵan bolatyn. Sondai-aq "Halyqaralyq valiýta qory álem elderine saýda soǵysy jaǵdaiynda ne isteý kerektigin aitty" degen materialmen de tanysa alasyzdar.
