Búgin Londonnyń Joǵarǵy sotynda Braziliia tarihyndaǵy eń úlken ekologiialyq apatqa túrtki BHP taý-ken kompaniiasyna qarsy sot otyrysy bastalady. Atalǵan kompaniiadan 600 myńnan astam braziliialyqpen qatar, 46 jergilikti ákimshilik oryn jáne 2 000-ǵa jýyq kásiporyn 47 milliard dollar kóleminde ótemaqy talap etýde, dep habarlaidy Dalanews.kz.
Ffin.kz málimetinshe, tabiǵi apat Braziliianyń ońtústik-shyǵysynda ornalasqan BHP jáne Vale, Samarco birlesken kásiporyndaryna tiesili bógette boldy.
Marian bógeti taý-ken qaldyqtaryn ustap turǵan. Ol jarylǵanda ýly sý 19 adamnyń ómirin qidy, myńdaǵan adamdy baspanasyz qaldyrdy, ormandardy, baiyrǵy ult - krenak taipasy úshin qasietti Dosi ózenin lastady. Álemdegi eń iri taý-ken kompaniiasy BHP sotta óz jaýapkershiligin oryndap tastaǵanyn aityp, bet qaratpaýda. Kompaniia 2016 jyly qurylǵan Renova qory arqyly zardap shekkenderge shamamen 8 milliard dollar tólengenin málimdedi.
Ótken aptada BHP, Vale jáne Samarco kompaniialary Braziliia úkimetimen 30 milliard dollarǵa jýyq ótemaqy jaiynda kelissózder júrgizip jatqandaryn habarlaǵan bolatyn. Alaida, talap qoiýshylardyń zańgerleri tek aǵylshyn soty talaby BHP-di jaýapqa tarta alady dep málimdeidi. Londondaǵy sot tyńdalymy 12 aptaǵa deiin sozylady dep kútilýde.
Aita ketsek, BHP Billiton," Bee-eich-Pee Billiton " — álemdegi eń iri taý-ken kompaniiasy. Bas shtab-páteri Melbýrnde (Avstraliia), taǵy bireýi Londonda (Ulybritaniia) ornalasqan. Ainalysatyn negizgi baǵyttary munai jáne gaz (onyń ishinde taqtatas), mys, temir jáne kómir kenderin óndirý bolyp tabylady.
