Energetika ministri Almasadam Sátqaliev Qazaqstanda ekinshi atom elektr stantsiiasyn (AES) salý boiynsha referendým ótkizýge qatysty suraqqa jaýap berdi, dep habarlaidy Dalanews.kz.
Sátqalievtiń aitýynsha, referendým ótkizý qajettiligi joq jáne ol ótkizilmeidi.
“Zańnamaǵa sáikes, bul stantsiia Úkimettiń sheshimi boiynsha salynady”, – dep jaýap berdi ol.
Búgin Úkimettiń keńeitilgen otyrysy barysynda Memleket basshysy Qasym-Jomart Toqaev Úkimetke ekinshi AES salýǵa oryn izdeýdi tapsyrdy.
Sonymen qatar,
Úkimettiń keńeitilgen otyrysynda Premer-ministr Oljas Bektenov biyl Qazaqstanda úsh AES salynýy múmkin ekenin málimdedi.
"Almaty oblysynda alǵashqy AES salý boiynsha qajetti kelisimder jaqyn arada jasalady. Sondai-aq ekinshi jáne úshinshi atom elektr stantsiialaryn salýǵa bolatyn aimaqtardy anyqtaý boiynsha taldaý jumystary aiaqtalýǵa jaqyn", – dedi Bektenov.
Eske salaiyq, Almaty oblysy Jambyl aýdany Úlken aýyly mańynda qýattylyǵy 2–2,8 GVt bolatyn atom elektr stantsiiasyn salý máselesi talqylanyp jatyr.
Ministrlik ókilderiniń málimetinshe, iadrolyq tehnologiia jetkizýshi áleýetti kompaniialarmen kelissózder júrgizilip jatyr. Sonymen qatar usynystardy básekelestik negizde qarastyratyn úkimetaralyq komissiia qurylǵan.
