Boeing kompaniiasynyń mundai qadamǵa barýyna sońǵy ýaqytta dál osy ushaq túriniń jii qulaýy sebepshi bolǵany anyq.
Mamandar 737 MAX 8 ushaǵyn qurastyrýdy toqtatý AQSh-ta jumyssyzdyń deńgeiiniń artýyna áser etýi múmkin ekenin alǵa tartýda. Óitkeni osy ushaqqa qajetti jabdyqtardy jetkizý isimen ondaǵan kásiporyn ainalasatyny belgili.
Eger 737 Max ushaǵyn qurastyrýdy birden toqtatyn bolsa, kóptegen kásiporyndar óz ónimderin saýdalaý múmkindiginen aiyrylady. Biraq jolaýshylar qaýipsizdigin joǵary orynǵa qoiǵan Boeing kompaniiasy bul ushaqty shyǵarýdan bas tartpaqshy.
Esterińizge salamyz, 2018 jyly osy ushaq Indoneziiada apatqa ushyrap 189 jolaýshy qaza tapqan bolatyn. Al 2019 jyly Efiopiiada oryn alǵan apat kezinde 157 adam opat boldy. Osylaisha az ǵana ýaqyttyń ishinde Boeing 737 MAH 8 ushaǵy eki ret qulady.
Osy jaittardan keiin Qazaqstannyń Azamattyq aviatsiia komiteti 2019 jyldyń 13-naýryzynan bastap Qazaqstanda «Scat» áýe kompaniiasynyń Boeing 737 MAX ushaǵyn paidalaný ýaqytsha toqtatqan bolatyn.
Ótken jyly FlyArystan kompaniiasy jolaýshylar tasymaly úshin 30 Boeing 737 MAX 8 ushaǵyn 3,6 mlrd dollarǵa satyp alady degen aqparat taraǵan bolatyn.
Búginde dúniejúziniń 50-den astam eli atalǵan ushaqty jolaýshylar tasymalynda paidalanýǵa tyiym salǵan bolatyn. Olardyń arasynda Qazaqstan da bar.
Aita ketýimiz kerek, Qazaqstannyń Azamattyq aviatsiia komitetiniń Boeing 737 MAX 8 ushaǵyn qoldanbaýǵa qatysty sharalarynyń merzimi 2020 jyldyń naýryzynda kúshin joiady.
Keibir elderdegi jolaýshylar «ólim ushaǵy» degen ataýǵa ie bolǵan bul ushaqqa satyp alǵan biletterin ótkizip, ózderiniń bas amandyǵyna basa mán berýde.
Endi qazaqstandyq loýkoster FlyArystan 737 MAX 8 ushaǵyn satyp ala almaýy qiynǵa soǵyp tur. Bizge «ólim ushaǵy» degen ataýǵa ie bolǵan qanatty mashinanyń ne qajeti bar?
