Boeing كومپانياسىنىڭ مۇنداي قادامعا بارۋىنا سوڭعى ۋاقىتتا ءدال وسى ۇشاق ءتۇرىنىڭ ءجيى قۇلاۋى سەبەپشى بولعانى انىق.
ماماندار 737 MAX 8 ۇشاعىن قۇراستىرۋدى توقتاتۋ اقش-تا جۇمىسسىزدىڭ دەڭگەيىنىڭ ارتۋىنا اسەر ەتۋى مۇمكىن ەكەنىن العا تارتۋدا. ويتكەنى وسى ۇشاققا قاجەتتى جابدىقتاردى جەتكىزۋ ىسىمەن ونداعان كاسىپورىن اينالاساتىنى بەلگىلى.
ەگەر 737 Max ۇشاعىن قۇراستىرۋدى بىردەن توقتاتىن بولسا، كوپتەگەن كاسىپورىندار ءوز ونىمدەرىن ساۋدالاۋ مۇمكىندىگىنەن ايىرىلادى. ءبىراق جولاۋشىلار قاۋىپسىزدىگىن جوعارى ورىنعا قويعان Boeing كومپانياسى بۇل ۇشاقتى شىعارۋدان باس تارتپاقشى.
ەستەرىڭىزگە سالامىز، 2018 جىلى وسى ۇشاق يندونەزيادا اپاتقا ۇشىراپ 189 جولاۋشى قازا تاپقان بولاتىن. ال 2019 جىلى ەفيوپيادا ورىن العان اپات كەزىندە 157 ادام وپات بولدى. وسىلايشا از عانا ۋاقىتتىڭ ىشىندە Boeing 737 ماح 8 ۇشاعى ەكى رەت قۇلادى.
وسى جايتتاردان كەيىن قازاقستاننىڭ ازاماتتىق اۆياسيا كوميتەتى 2019 جىلدىڭ 13-ناۋرىزىنان باستاپ قازاقستاندا «Scat» اۋە كومپانياسىنىڭ Boeing 737 MAX ۇشاعىن پايدالانۋ ۋاقىتشا توقتاتقان بولاتىن.
وتكەن جىلى FlyArystan كومپانياسى جولاۋشىلار تاسىمالى ءۇشىن 30 Boeing 737 MAX 8 ۇشاعىن 3،6 ملرد دوللارعا ساتىپ الادى دەگەن اقپارات تاراعان بولاتىن.
بۇگىندە دۇنيەجۇزىنىڭ 50-دەن استام ەلى اتالعان ۇشاقتى جولاۋشىلار تاسىمالىندا پايدالانۋعا تىيىم سالعان بولاتىن. ولاردىڭ اراسىندا قازاقستان دا بار.
ايتا كەتۋىمىز كەرەك، قازاقستاننىڭ ازاماتتىق اۆياسيا كوميتەتىنىڭ Boeing 737 MAX 8 ۇشاعىن قولدانباۋعا قاتىستى شارالارىنىڭ مەرزىمى 2020 جىلدىڭ ناۋرىزىندا كۇشىن جويادى.
كەيبىر ەلدەردەگى جولاۋشىلار «ءولىم ۇشاعى» دەگەن اتاۋعا يە بولعان بۇل ۇشاققا ساتىپ العان بيلەتتەرىن وتكىزىپ، وزدەرىنىڭ باس اماندىعىنا باسا ءمان بەرۋدە.
ەندى قازاقستاندىق لوۋكوستەر FlyArystan 737 MAX 8 ۇشاعىن ساتىپ الا الماۋى قيىنعا سوعىپ تۇر. بىزگە «ءولىم ۇشاعى» دەگەن اتاۋعا يە بولعان قاناتتى ماشينانىڭ نە قاجەتى بار؟
