ٷندٸستان پوليتسيياسى قازاقستاندىق ۆەلوسپورت باپكەرٸ, بۇرىنعى كەسٸبي ۆەلوشاباندوز ماقسات ايازباەۆتى ٸزدەستٸرٸپ جاتىر. كەمەلەتكە تولماعان سپورتشى ونى زورلادى دەپ ايىپتاعان, دەپ حابارلايدى dalanews.kz.
جەرگٸلٸكتٸ باق مەلٸمەتٸنشە, وقيعا 13 قىركٷيەكتە پاتيالا قالاسىنداعى نەتادجي سۋبحاس اتىنداعى ۇلتتىق سپورت ينستيتۋتىنىڭ اۋماعىندا بولعان. جاس سپورتشى 18 قىركٷيەكتە پوليتسيياعا ارىز تٷسٸرگەن. ونىڭ شاعىمىنان كەيٸن ٷندٸستاننىڭ قىلمىستىق كودەكسٸ جەنە كەمەلەتكە تولماعانداردى جىنىستىق سيپاتتاعى قىلمىستاردان قورعايتىن POCSO زاڭى بويىنشا قىلمىستىق ٸس قوزعالعان.
The Times of India باسىلىمىنىڭ مەلٸمەتٸنشە, قازاقستاندىق ازاماتتى ٸزدەستٸرۋ ٷشٸن بٸرنەشە پوليتسييا توبى قۇرىلعان.
– قۇقىق قورعاۋ ورگاندارى باپكەردٸڭ وقيعادان كەيٸن دەليدەگٸ جاتتىعۋ جيىندارىنىڭ بٸرٸندە بولعانى تۋرالى اقپارات العان. الايدا كەيٸن ونىڭ قايدا كەتكەنٸ بەلگٸسٸز بولىپ قالعان, – دەپ جازادى باسىلىم.
سونداي-اق قازاقستاندىقتىڭ تٶلقۇجاتى پوليتسييانىڭ قولىندا ەكەنٸ حابارلاندى. بۇدان بٶلەك, وعان قاتىستى Look Out Circular جارييالانعان. بۇل – شەكارا جەنە كٶشٸ-قون قىزمەتتەرٸنە جولداناتىن ارنايى حابارلاما. ول كٷدٸكتٸنٸڭ ٷندٸستان اۋماعىنان شىعىپ كەتۋٸنە جول بەرمەۋگە باعىتتالعان.
ماقسات ايازباەۆ ٷندٸستان قۇراماسىمەن بٸرگە جاپونييادا ٶتەتٸن ازييا ويىندارىنا قاتىسۋى تيٸس بولعان. الايدا ايىپتاۋلاردان كەيٸن ونىڭ ساپارعا شىعۋىنا بەرٸلگەن رۇقسات كٷشٸن جويعان. ٷندٸستاننىڭ ۆەلوسپورت فەدەراتسيياسى قازاقستاندىق ماماندى قىزمەتٸنەن شەتتەتٸپ, ٸستٸ ۇيىمنىڭ ٸشكٸ كوميسسيياسىنىڭ قاراۋىنا تاپسىرعان. كەمەلەتكە تولماعان سپورتشى مەديتسينالىق تەكسەرۋدەن ٶتٸپ, وعان پسيحولوگييالىق جەنە زاڭگەرلٸك كٶمەك كٶرسەتٸلگەن.
ايتا كەتەيٸك, ماقسات ايازباەۆ بۇعان دەيٸن قازاقستاننىڭ اتىنان كەسٸبي تاسجول ۆەلوسپورتى جارىستارىنا قاتىسقان.
