2026 جىلعى 1 قازاننان باستاپ الماتىدا اۋىز سۋ مەن كەرٸز قىزمەتتەرٸنٸڭ تاريفٸ كٶتەرٸلەدٸ. بۇل تۋرالى ٶڭٸرلٸك كوممۋنيكاتسييالار قىزمەتٸندە ٶتكەن بريفينگتە «الماتى سۋ» كوممۋنالدىق كەسٸپورنىنىڭ ٶكٸلدەرٸ مەلٸمدەدٸ, دەپ حابارلايدى dalanews.kz.
جاڭا تاريف بويىنشا تۇرعىندار ٷشٸن ققس-پەن بٸرگە سۋىق سۋدىڭ 1 تەكشە مەترٸ 178,06 تەڭگە, ال سارقىندى سۋلاردى بۇرۋ قىزمەتٸنٸڭ 1 تەكشە مەترٸ 119,46 تەڭگە بولادى. زاڭدى تۇلعالار ٷشٸن سۋىق سۋدىڭ تاريفٸ 362,18 تەڭگە, كەرٸز قىزمەتٸ 264,75 تەڭگە بولىپ بەلگٸلەندٸ. ال بيۋدجەتتٸك ۇيىمدار سۋىق سۋدىڭ 1 تەكشە مەترٸ ٷشٸن 649,6 تەڭگە, سۋ بۇرۋ قىزمەتٸ ٷشٸن 189,14 تەڭگە تٶلەيدٸ.
كەسٸپورىن ٶكٸلدەرٸنٸڭ ايتۋىنشا, تاريفتەردٸڭ قايتا قارالۋىنا بٸرنەشە فاكتور ەسەر ەتكەن. اتاپ ايتقاندا, پايدالانۋ شىعىندارىنىڭ ٶسۋٸ, ينفراقۇرىلىم كٶلەمٸنٸڭ ۇلعايۋى, قىزمەتكەرلەردٸڭ ەڭبەكاقىسىن ارتتىرۋ قاجەتتٸلٸگٸ جەنە ينۆەستيتسييالىق مٸندەتتەمەلەر سەبەپ بولعان.
«الماتى سۋ» ماماندارىنىڭ مەلٸمەتٸنشە, تاريفتەردٸڭ جاڭارتىلۋى سۋمەن جابدىقتاۋ جەنە كەرٸز جٷيەلەرٸنٸڭ تۇراقتى جۇمىسىن قامتاماسىز ەتۋگە, سونداي-اق ينجەنەرلٸك جەلٸلەردٸ جاڭعىرتۋعا باعىتتالعان.
